يراك ارۋىن بەلگىسىز بىرەۋلەر اتىپ كەتتى
13:04, 01 - قازان 2018
استانا. قازاقپارات - يراكتا وسى ەلدىڭ 2015 -جىلعى ارۋى اتانعان تارا فارەستى ءولتىرىپ كەتتى. وقيعا باعداد قالاسىندا ورىن الدى.
قاستاندىق 30 جاستاعى كەلىنشەك ءوز كولىگىندە وتىرعاندا جاسالعان. قىلمىسكەر ونى ەكى رەت باسىنان جانە 1 رەت كەۋدەسىنەن اتقان. قازىر تەرگەۋ ءجۇرىپ جاتىر. پوليتسيا قاستاندىق مارقۇمنىڭ كاسىپتىك قىزمەتىمەن بايلانىستى بولۋى مۇمكىن دەپ وتىر.
ايتا كەتەيىك، تارا فارەس يراكتا 1972 -جىلدان بەرى العاش ۇيىمداستىرىلعان ارۋلار بايقاۋىندا جەڭىپ شىققان بولاتىن. وسىدان كەيىن ءبىرقاتار ءسان برەندتەرىنىڭ كەلبەتىنە اينالدى. ءبىراق ونىڭ الەۋمەتتىك جەلىلەردەگى جاريالانىمدارى قوعامدا قىزۋ پىكىرتالاس تۋدىرىپ وتىرعان.
www.24.kz