مۇحتار اۋەزوۆتىڭ قاناتتى سوزدەرى
ۇلى جازۋشى ەلىمىزدىڭ دراماتۋرگيا، مادەنيەت پەن ونەر، ادەبيەت، فولكلور تاريحىنا دا ۇلكەن ەڭبەك سىڭىرگەن. سونىمەن قاتار ستۋدەنت جاستاردىڭ شىعارماشىلىق تۇرعىدان ءوسىپ- جەتىلۋىنە ەرەكشە ءمان بەرىپ، تالانتىمەن كوزگە تۇسكەن جاستارعا قامقورلىق كورسەتۋ، اقىل- كەڭەس بەرۋ ارقىلى ستۋدەنت جاستاردىڭ شىعارماشىلىق بەلسەندىلىگىن ولشەۋسىز ارتتىردى. شىعارماشىلىعى شىڭدالعان شاكىرتتەر تاربيەلەدى. ارتىندا قۇندى ەڭبەكتەرى مەن تالىمدىك- تاربيەلىك ماڭىزى زور، ءالى كۇنگە دەيىن ماڭىزىن جويماعان قاناتتى سوزدەرى ەل ەسىندە قالدى.
* ءبىلىم - باقتىڭ جىبەرمەيتىن قازىعى، ءبىلىمسىز باق - الدەكىمنىڭ ازىعى.
* جالعان نامىس - قاسيەت ەمەس، ار ساقتاعان - قاسيەت.
* جالىنعان - باس قورعاۋ ەمەس، جاعالاسقان - باس قورعاۋ.
* جاقسىلىققا جاقسىلىق - ءار كىسىنىڭ ءىسى، جاماندىققا جاقسىلىق - ەر كىسىنىڭ ءىسى.
* جاقسىدا جاتتىق جوق.
* ادام ءوزىنىڭ جانىن ۇساق ۋايىم، بولىمسىز قام- قاراكەت دەرتىمەن بىلعانۋدان ساقتاۋى كەرەك.
* ادام بالاسىنىڭ جامان قۇلقى - جاراتىلىسىنان ەمەس، وسكەن ورتاسىندا كورگەن ۇلگى- ونەگەسىنەن.
* الدىڭعى جاقسى ارتقى جاسقا ءتالىم ايتپاسا - ەل بولعانىڭ قايسى؟
* ءمۇعالىمنىڭ ۇدايى جاقسى وقيتىن بالالارعا عانا ءسۇيسىنىپ، ىلعي سولاردى عانا وقىتۋى دۇرىس ەمەس.
* سيپات: ءتىلى - بۇلبۇل، اياعى - ءدۇلدىل.
* نە - اڭساعاندا الارسىڭ، نە - قاقساعاندا الارسىڭ.
* قونتايدىڭ قالجىڭى: «جازىلا- جازىلا قوجا- مولدادان دا ۇيات بولدى، ەندى ولمەسكە بولماس» .
* ارقادا جىل جاقسى بولسا - ارقار اۋىپ نەسى بار؟ !
* ەككەنىڭ تىكەن بولسا - ورعانىڭ بالاۋسا بولماس.
* جازا باسپاس قادام جوق - جاڭىلمايتىن ادام جوق.
* جاۋىزعا ايتقان جاقسى ءسوز - سۋعا جازعان سەرتپەن تەڭ.
* دوس تاپپاعان ەر ازار - باسشى باقپاعان ەل ازار.
* كۇي اتاسى - قورقىت.
* كۇيگەنىمنەن - سۇيگەنىم كوپ.
* قۇتىرعاننان - قۇتىلعان.
* تالاي جان بار - اۋزىمەنەن ايدى الار، قولىمەن قوساياق تا سوعا الماس.
* شىن كوڭىلدەن ايتىلعان تىلەككە - شىندىقپەن جاۋاپ بەرۋ پارىز.
* ىزدەسسەڭ - تابارسىڭ، الىسساڭ - الارسىڭ.
Massaget.kz