ارالعا قونعان ۇشاق سىرعىعان كۇيى تەڭىزگە ءتۇسىپ كەتكەن
22:48, 28 - قىركۇيەك 2018
استانا. قازاقپارات - بورتىندا 47 ادام بولعان Air Niugini اۋە كومپانياسىنىڭ Boeing 737-800 ۇشاعى ميكرونەزيادا چۋۋك شتاتى اۋماعىنداعى ۆەنو ارالىندا جەرگە قونۋ كەزىندە تەڭىزگە ءتۇسىپ كەتكەن، دەپ حابارلايدى euronews.
لاينەر توكيودان ۆەنو ارالى ارقىلى پاپۋا- جاڭا گۆينەياعا بەت العان. ول ۇشۋ- قونۋ جولاعىنان شىعىپ كەتىپ، تەڭىزگە دەيىن 160 مەتىر قاشىقتىققا سىرعىپ كەتكەن. جولاۋشىلار مەن ەكيپاج مۇشەلەرى جەڭىل جاراقاتتاندى. ابىروي بولعاندا، ولاردى سول ماڭدا ءجۇزىپ جۇرگەن قايىقتارداعى جەرگىلىكتى بالىقشىلار قۇتقارىپ قالعان.