فرانسيا ەلشىسى تۇركىستاننان قازاق تىلىندە رەپورتاج جاسادى
ەلشى تۇركىستان قالاسىندا ءوتىپ جاتقان «كونە تۇركىستان - جاڭا مۇمكىندىكتەر» اتتى حالىقارالىق ينۆەستيتسيالىق جانە تۋريستىك فورۋمعا بارعان.
«دوستار، بۇگىن ءبىز تۇركىستانداعى قوجا احمەت ياسساۋي كەسەنەسىنە ساپار شەگەمىز. كەسەنە بۇرىنعى ياسسى قالاسىندا ورنالاسقان. (.. .) ءبىز تۇركىستان - تۇركى حالقىنىڭ استاناسىندامىز. تۇركىستان - قازاق ەلىنىڭ جان- جۇرەگى ەكەنىنە كوز جەتكىزدىم. تۇركىستانعا ەكىنشى رەت كەلىپ تۇرمىن. «ءبىر كورگەن - ءبىلىس، ەكى كورگەن - تانىس، ءۇش كورگەن - تۋىس» دەمەكشى، تۋىس بولايىق، دوستار» ، - دەپ ماقالدادى فيليپپ مارتينە.
ءوز جازباسىندا ف. مارتينە تۇركىستان قالاسىنداعى احمەت ياساۋي مەن ونىڭ كەسەنەسى تۋرالى دەرەكتەردى كەلتىرگەن. تۇركىستاننان بولەك، فرانسيا ەلشىسى شىعىس قازاقستان، قوستاناي وڭىرلەرىن ارالاعان.
فيليپپ مارتينە - قازاق ءتىلىن مەڭگەرىپ، قازاقستاننىڭ تۋريستىك ورىندارىن ارالاۋعا دەن قويىپ جۇرگەن ەلشىلەردىڭ ءبىرى. بۇعان دەيىن فرانسيا ەلشىسى قازاقستان حالقىن تاۋەلسىزدىك كۇنىمەن، جاڭا جىل جانە ناۋرىز مەرەكەسىمەن قازاق تىلىندە قۇتتىقتاعان بولاتىن.