وتاندىق مۇناي ونىمدەرى جاقىن ارادا نارىقتى جاۋلاي باستايدى - ۆيتسە- مينيستر
ونىڭ ايتۋىنشا، قازاقستاندىق نارىقتا وتاندىق مۇناي ونىمدەرىنىڭ كوبەيە باستايتىن كۇنى الىس ەمەس.
«بۇگىندە اتىراۋ جانە پاۆلودار مۇناي وڭدەۋ زاۋىتتارىن قايتا جاڭعىرتۋ جوباسى ءساتتى اياقتالدى. شىمكەنت م ءو ز جىل سوڭىنا دەيىن ىسكە قوسىلادى. بۇل جۇمىستار اياقتالعان سوڭ يمپورتقا تاۋەلدى بولىپ وتىرعان بەنزين، ديزەل وتىنى، اۋە كەروسينى بويىنشا وتاندىق قامتۋ بەلەڭ الا باستايدى»، - دەدى ماحامبەت دوسمۇحامبەتوۆ.
ۆيتسە-مينيستر ايتقانداي، بيىل ءۇش م ءو ز- گە دە جوندەۋ جۇمىسىن اۆتوماتتاندىرۋ جۇيەسى ەنگىزىلگەن. ول زاۋىتتى جوندەۋ ۋاقىتىن 45 كۇننەن 20 كۇنگە دەيىن قىسقارتۋعا مۇمكىندىك بەرەدى. زاۋىتتار 3 جىلدا ءبىر رەت 45 كۇنگە جابىلاتىن بولادى. ءار زاۋىتتا مۇناي وڭدەۋ كولەمى ۇلعايادى.
«وسىلايشا جاقىن ارادا قازاقستاندىق نارىقتا وتاندىق مۇناي ونىمدەرى كوبەيە باستايدى»، - دەدى ول.
بۇگىن الماتىدا «KEOGE» - «مۇناي جانە گاز» حالىقارالىق مۇناي جانە گاز كورمەسى سالتاناتتى تۇردە اشىلدى. كورمەدە مۇناي ءوندىرۋ كاسىپورىندارىنا ارنالعان زاماناۋي تەحنولوگيالار، ينجينيرينگتىك باعدارلامالار كوپشىلىك نازارىنا ۇسىنىلدى.
ودان بولەك، كورمە اياسىندا ىسكەرلىك كەزدەسۋلەر، تانىستىرۋلار، كومپانيالار مەن مەملەكەتتىك ورگاندار اراسىندا كەلىسسوزدەر جوسپارلانعان.