مۇنداي مالىمدەمەنى ق ر قوعامدىق دامۋ ءمينيسترىنىڭ ورىنباسارى بەرىك ارىن جاسادى. ونىڭ سوزىنشە، كوپتەگەن اتا- انالار وقۋشى قىزداردىڭ اشىق- شاشىق جۇرەتىنىنە قاتىستى نارازىلىق ءبىلدىرىپ، شاعىم ايتقان. بۇل شاعىمدار بۇگىندە ءبىلىم جانە عىلىم مينيسترلىگىنە جەتىپ وتىر. سوندىقتان مينيسترلىك اتالعان ماسەلەنى مىقتاپ قولعا الماق.
«مەكتەپتە ءدىني كيىم كيۋگە تىيىم سالسا دا، دەنەگە جابىسىپ تۇراتىن قىسقا يۋبكاعا ەشكىم ءمان بەرمەيتىنىنە قاتىستى كوپتەگەن سىن- ەسكەرتپەلەر ايتىلدى. وسىعان بايلانىستى ءبىزدىڭ مينيسترلىك ءبىلىم جانە عىلىم مينيسترلىگىنە ۇسىنىس جولدادى. قازىر ولار ءتيىستى تۇزەتۋلەر ەنگىزۋدى جوسپارلاپ وتىر»، - دەپ اتاپ ءوتتى قوعامدىق دامۋ ۆيتسە- ءمينيسترى بەرىك ارىن.