ف ي ف ا- نىڭ ماراپاتتاۋ ءراسىمى مەسسي مەن رونالدۋسىز وتەدى
22:53, 24 - قىركۇيەك 2018
استانا. قازاقپارات - لوندوندا 24- قىركۇيەك كۇنى كەشكىسىن وتەتىن حالىقارالىق فۋتبول فەدەراتسياسىنىڭ ماراپاتتاۋ ءراسىمى «يۋۆەنتۋس» شابۋىلشىسى كريشتيانۋ رونالدۋ مەن «بارسەلونا» فورۆاردى ليونەل مەسسيسىز وتەدى، دەپ حابارلايدى قازاقپارات.
Mundo Deportivo حابارلاعانداي، ارگەنتينا قۇراماسىنىڭ ويىنشىسى ءىس-شاراعا قاتىسۋدى جوسپارلاعان، ءبىراق سوڭعى ساتتە جەكە ماسەلەلەرىنە بايلانىستى شەشىمىن وزگەرتكەن. ال پورتۋگاليا قۇراماسىنىڭ شابۋىلشىسى 26- قىركۇيەكتە وتەتىن ويىنعا بايلانىستى «يۋۆەنتۋستاعى» كەستەسىنىڭ تىعىز بولۋى سالدارىنان سالتاناتتى راسىمگە كەلمەيدى.
ەسكە سالا كەتسەك، جىلدىڭ ۇزدىك ويىنشىسى ماراپاتىنا - «التىن دوپقا» بۇل جولى رونالدۋ، «ليۆەرپۋل» جانە ەگيپەت قۇراماسىنىڭ فۋتبولشىسى موحاممەد سالاح، سونداي-اق «رەالدىڭ» جارتىلاي قورعاۋشىسى جانە حورۆاتيا قۇراماسىنىڭ كاپيتانى لۋكا مودريچ ۇمىتكەر بولىپ وتىر.