قازاقستان اسكەرلەرى مىڭداعان شاقىرىمدى ەڭسەرىپ، باتىسقا جەتتى

استانا. قازاقپارات - «وڭتۇستىك» جانە «شىعىس» وڭىرلىك قولباسشىلىقتارى، سونداي- اق دەسانتتىق- شابۋىلداۋ اسكەرلەرىنىڭ قۇرامالارى مەن اسكەري بولىمدەرى بىرنەشە مىڭداعان شاقىرىمدى ەڭسەرىپ، ماڭعىستاۋ وبلىسىنا جەتتى، دەپ حابارلايدى قازاقپارات ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.

«وڭتۇستىك» وڭىرلىك قولباسشىلىعىنىڭ اسكەري بولىمدەرى وقۋ- جاتتىعۋ وتەتىن ايماققا ءوز بەتتەرىمەن جەتكەن. «شىعىس» وڭىرلىك قولباسشىلىعىنىڭ بارلاۋ، تانكتىك جانە ارتيللەريالىق بولىمشەلەرىن باتىسقا تەمىرجول كولىگىمەن الىپ بارعان. ال 35- دەسانتتىق- شابۋىلداۋ بريگاداسىنىڭ دەسانتتىق- شابۋىلداۋ باتالونى قاپشاعايدان اقتاۋعا اسكەري- كولىك اۆياتسياسىمەن جەتكىزىلدى.

 «باتىس-2018» وقۋ- جاتتىعۋىنىڭ ستسەناريى بويىنشا قازاقستاننىڭ باتىس وڭىرىندە زاڭسىز قارۋلى قۇرىلىمداردىڭ ارەكەتتەرىنەن جاعداي ۋشىعىپ كەتكەن. وسى ماقساتتا وڭىردەگى تۇراقتى جاعدايدى قالپىنا كەلتىرۋ ءۇشىن اسكەرلەر تۇرلەرىنەن توپتاما قۇرىلدى. وعان «باتىس» وڭىرلىك قولباسشىلىعىنىڭ اسكەرلەر قولباسشىسى جەتەكشىلىك ەتەدى.

ەسكە سالايىق، كەشە ق ر قورعانىس ءمينيسترى نۇرلان ەرمەكبايەۆتىڭ بۇيرىعى بويىنشا قارۋلى كۇشتەردىڭ اسكەري بولىمدەرى مەن قۇرامالارى وقۋ- جاتتىعۋ دابىلى بويىنشا كوتەرىلگەن ەدى.

 

 سەلەكتورلىق رەجيمدە وتكەن كەڭەس بارىسىندا «شىعىس» جانە «وڭتۇستىك» وڭىرلىك قولباسشىلىقتارىنىڭ، دەسانتتىق- شابۋىلداۋ اسكەرلەرىنىڭ ءبىرقاتار اسكەري بولىمدەرىنە قازاقستاننىڭ باتىس وڭىرىنە توپتاسۋ تاپسىرماسى بەرىلدى.