مينسكىدە قازاقستاندىق بالۋان قىز چەمپيون اتاندى
09:26, 18 - قىركۇيەك 2018
استانا. قازاقپارات - بەلارۋس ەلىنىڭ استاناسى مينسك قالاسىندا ەركىن كۇرەستەن وليمپيادا ويىندارىنىڭ ءۇش دۇركىن چەمپيونى الەكساندر مەدۆەد اتىنداعى حالىقارالىق تۋرنيردە قازاقستاندىق بالۋان قىز چەمپيون اتاندى، دەپ حابارلايدى قازاقپارات ءتىلشىسى.
ق ر كۇرەس تۇرلەرى فەدەراتسياسى ءمالىم ەتكەندەي اتالعان تۋرنير بەلارۋس ەلىنىڭ استاناسى مينسك قالاسىندا ءوتتى.
بۇل تۋرنير ەركىن جانە ايەلدەر كۇرەسىنەن جىل سايىن ءداستۇرلى تۇردە ۇيىمداستىرىلىپ كەلەدى. بيىلعى دودادا قازاقستاننىڭ ايەلدەر قۇراماسى 1 التىن، 1 كۇمىس، 3 قولا مەدال جەڭىپ الدى.
اتاپ ايتساق، 55 كەلى سالماقتا كۇرەسكەن مارينا سەدنيەۆا فينالدا رەسەيلىك بالۋاننان باسىم ءتۇسىپ، تۋرنير جەڭىمپازى اتاندى. ال 50 كەلىدە ۆالەنتينا يسلياموۆا - كۇمىس جۇلدەگە قول جەتكىزسە، 53 كەلىدەگى ايشا ۋاليشان، 68 كەلىدە ەل نامىسىن قورعاعان ەكاتەرينا لاريونوۆا مەن 72 كەلىدەگى ءجاميلا باقبەرگەنوۆا مەدۆەد اتىنداعى تۋرنيردىڭ قولا جۇلدەسىنە يە بولدى.
اۆتور: كۇنسۇلتان وتارباي