ءمولدىر اۋەلبەكوۆا كۇيەۋىمەن اجىراسقانىن مالىمدەدى
مىسالى، وسى كۇنگە دەيىن جەكە ومىرىندەگى جايسىز جايتتى جاسىرىن ۇستاپ كەلگەن ءمولدىر اۋەلبەكوۆا، ۇلىنىڭ اكەسىمەن ءدام-تۇزى جاراسپاعىنان راستادى.
بۇل تۋرالى «ن ت ك» ارناسىنىڭ «ريەۆيۋ» باعدارلاماسىندا ايتىلدى.
وكىنىشكە وراي، بۇل جاراسىمدى جۇپ بۇگىندە بىرگە ەمەس. 2015 تە وتاۋ قۇرعان ەكى جاستىڭ، ءبىر جارىم جىلدان سوڭ جانۇياسى ىدىراعان.
«قازىرگى تاڭدا ماعان ەڭ كوپ قويىلاتىن سۇراق، جەكە ومىرگە بايلانىستى. سىزدەر اجىراستىڭىز با؟ اجىراسقانىڭىز راس پا؟ بالا قايدا؟» - دەيدى ءمولدىر.
ءيا، اۋەلبەكوۆا جۇبايى ارىستانمەن اجىراسىپتى. بالاسى بەس ايعا تولعان شاقتا وتاعاسى وتباسىن تاستاپ كەتكەن كورىنەدى. سول ۋاقىتتان بەرى ۇلى سالتايدى اكەسى دە، اجەسى دە ىزدەپ كەلمەگەن.
«ەشكىممەن كەزدەسپەيدى. ەشكىم دە بالانى ىزدەمەيدى. سولاي ەندى باسىمىزدان ءوتىپ جاتىر. ەندى مەن ونى نە ىستەيمىن؟ تاعدىر بولعاننان كەيىن كونەمىن. بالام ءۇشىن ءارى قاراي ءومىر سۇرەمىن»، - دەيدى اۋەلبەكوۆا.
ءبىر جارىم جىل بويى بۇل جاڭالىقتى جاريا قىلماۋىنىڭ سەبەبى دە سول. بالاسىنىڭ بولاشاعىنا الاڭداعان انا، جانۇياسىنداعى جاعدايدى جۇرتتان جاسىرىن ۇستاپ كەلگەنىن ايتادى.
«ءبارىبىر بالاعا كەسىرى تيمەسە ەكەن دەپ كوبىنەسە ۇلىمدى ۋايىمدايمىن. ونى ايتقاننان كەيىن عالامتور بار عوي قازىر. ەرتەڭ بالا وسكەننەن كەيىن، ونى كورەدى. نەگە ولاي بولدى دەپ كوڭىلىنە كىربىڭ تۇسەدى. مەن قازىر وتىرىپ الىپ، ول ءبۇيتتى-ءسۇيتتى، ول تاستاپ كەتتى، ول بىلاي بولدى دەپ ايتىپ وتىرعاننان، ەشكىمنىڭ ەشتەڭەسى كەتپەيدى. ەرتەڭ توق ەتەرىندە بالام قينالادى»، - دەيدى ءمولدىر.
ءمولدىر جەكە ومىرىندەگى كەلەڭسىزدىكتەن كەيىن، كۇيزەلىستى دە باستان كەشكەن. ءبىراق تىڭدارماننىڭ قولداۋى مەن ونەرگە دەگەن قۇشتارلىق جاس كەلىنشەكتىڭ جىگەرىن جانشي الماپتى.
«كورەرمەنىمە ايتارىم ۋايىمداماڭىزدار. قانداي جاعداي بولماسىن مەن باقىتتىمىن. مەنىڭ ۇلىم بار، اتا-انام قاسىمدا، باۋىرلارىم بار»، - دەيدى اۋەلبەكوۆا.