تۇركىستان وبلىسىندا جۋىردا دۇنيەگە كەلگەن ۇشەمنىڭ وتباسى باسپانالى بولدى
22:31, 12 - قىركۇيەك 2018
تۇركىستان. قازاقپارات - تۇركىستان وبلىسى، كەلەس اۋدانىندا جۋىردا عانا دۇنيەگە كەلگەن ۇشەمنىڭ وتباسى باسپانالى بولدى.
كوپ بالالى شاڭىراقتىڭ جاعدايىن ەسكەرگەن اۋدان اكىمى اقمەنتاي ەسبايەۆ اتالعان وتباسىنا باسپانا كىلتىن تابىس ەتتى، دەپ حابارلايدى قازاقپارات ءتىلشىسى.
ايتا كەتەيىك، قىركۇيەك ايىنىڭ باسىندا اتالعان اۋداننىڭ بىرلىك اۋىلىندا تۇراتىن تۇكتىبايەۆتار شاڭىراعىندا ۇشەم ومىرگە كەلگەن بولاتىن. 23 جاستاعى ءۇش بالانىڭ اناسى اياجان تولەندى وسىلايشا التى بالالى بولىپ، قۋانىشقا كەنەلگەن. سابيلەرگە ءتورالى، فاتيما، زاۋرە ەسىمدەرى بەرىلگەن.
اۋدان باسشىسى شاڭىراقتىڭ قۋانىشىن ەسەلەپ، باسپاناعا قاجەتتى تۇرمىستىق تەحنيكالاردى قوسا تارتۋ ەتتى.