اراب امىرلىكتەرى استانادا وتەتىن دىندەر سەزىنە قاتىساتىن بولدى
كەزدەسۋ بارىسىندا ءدىنارالىق ديالوگ پەن قوعامدىق كەلىسىم ماسەلەلەرى بويىنشا ەكىجاقتى ىنتىماقتاستىقتى دامىتۋ جولدارى تالقىلاندى.
قوعامدىق دامۋ ءمينيسترى دارحان كالەتايەۆ ىشكى ساياسي تۇراقتىلىق، ءدىنارالىق جانە ەتنوسارالىق ۇيلەسىمدى قامتاماسىز ەتۋ ماسەلەلەرى تىكەلەي قازاقستان رەسپۋبليكاسى پرەزيدەنتىنىڭ نازارىندا ەكەنىن اتاپ ءوتتى. سونداي- اق، بىرىككەن اراب امىرلىكتەرىنىڭ ءومىردىڭ بارلىق سالالارىنا توزىمدىلىك پرينتسيپتەرىن ەنگىزۋ ۇدەرىسى كەشەندى ءادىس ەكەنىن اتاپ ءوتتى. تاراپتار الەمنىڭ ءتۇرلى وڭىرلەرىندە مەملەكەتىشىلىك جانە جاھاندىق دەڭگەيدەگى ءارتۇرلى ەتنيكالىق توپتار مەن ءدىن وكىلدەرىنىڭ اراسىنداعى قاقتىعىستىڭ ورىن الۋى ءوزارا بايلانىس پەن ىنتىماقتاستىقتىڭ السىرەۋىمەن تىعىز بايلانىستى ەكەنىن اتادى.
اراب امىرلىكتەرى استانادا وتەتىن دىندەر سەزىنە قاتىساتىن بولدى حالىقارالىق ىنتىماقتاستىقتى نىعايتۋ قاجەتتىلىگىنە توقتالا وتىرىپ، شەيح ناحايان بەن مۋباراك ءال ناحايان قازاقستان كوشباسشىسىنىڭ ءدىنارالىق ديالوگتى ىلگەرىلەتۋدەگى كۇش- جىگەرىن، سونداي- اق حالىقارالىق تۇراقتىلىق پەن ءتۇرلى قاقتىعىستاردى رەتتەۋدى كۇشەيتۋگە باعىتتالعان وزگە دە بىتىمگەرشىلىك باستامالارىن جوعارى باعالادى. وسى تۇرعىدا، ناحايان بەن مۋباراك ءال ناحايان قازاقستان پرەزيدەنتىنىڭ باستاماسىمەن وتەتىن الەمدىك جانە ءداستۇرلى دىندەر ليدەرلەرىنىڭ سەزى شىن مانىندە ءتۇرلى ءدىن وكىلدەرىن بىرىكتىرەتىن جاھاندىق ديالوگ الاڭىنا اينالعانىن ايتىپ، الداعى 2018 -جىلعى 10-11 قازان كۇندەرى وتەتىن VI استانا سەزىنە وزدەرىنىڭ قاتىساتىنىن راستادى.
بىرىككەن اراب امىرلىكتەرىنە ساپارى اياسىندا ق ر قوعامدىق دامۋ ءمينيسترى د. كالەتايەۆ ب ا ءا ۇلتتىق فەدەرالدىق ءماجىلىس ءتوراعاسىنىڭ ءبىرىنشى ورىنباسارى مارۋان بەن گلەيتپەن كەزدەستى. تاراپتار ەكى ەل اراسىنداعى پارلامەنتارالىق بايلانىستاردىڭ تۇراقتى دامۋىنا كوڭىلدەرى تولاتىنىن جەتكىزدى. مينيستر ب ا ءا ۇلتتىق فەدەرالدىق ءماجىلىسىنىڭ ەلدىڭ ىشىندە جانە حالىقارالىق دەڭگەيدە تولەرانتتىلىق، كونفەسسياارالىق جانە ءدىنارالىق ديالوگ يدەيالارىن كەڭەيتۋ جانە نىعايتۋعا قوسقان ۇلەسىن اتاپ ءوتتى. بۇعان بىرىككەن اراب امىرلىكتەرىنىڭ ءدىني توزبەۋشىلىك جانە كەمسىتۋشىلىكپەن كۇرەسۋ، سونداي- اق تەرروريزمگە قارسى كۇرەس تۋرالى زاڭدارى دالەل.
سونداي- اق، مينيستر دۋباي امىرلىگىنىڭ يسلام جانە قايىرىمدىلىق ىستەرى دەپارتامەنتىنىڭ باس ديرەكتورى حاماد اش- شەيبانيمەن كەزدەستى. اتالعان قۇرىلىم قايىرىمدىلىق قاۋىمداستىقتار مەن يسلام ينستيتۋتتارىنا ليتسەنزيا بەرۋ، قوعامداعى ءدىني ساۋاتتىلىقتى ارتتىرۋ ماسەلەلەرىمەن اينالىسادى. حاماد ءاش- شەيباني دارحان كالەتايەۆقا اعىمداعى جىلدىڭ 15-16 قاراشاسىندا دۋبايدا حالىقارالىق تولەرانتتىلىق ءسامميتىن وتكىزۋدى ۇيىمداستىرۋ بويىنشا جوسپارلارىمەن ءبولىسىپ، قازاقستان دەلەگاتسياسىنىڭ اتالعان سامميتكە قاتىسۋىنا سەنىم ءبىلدىردى. سونداي- اق، دەپارتامەنت باسشىسى استانادا وتەتىن الەمدىك جانە ءداستۇرلى دىندەر ليدەرلەرىنىڭ VI سەزىنە قاتىسۋعا دايىن ەكەندىكتەرىن ءبىلدىردى. بىرىككەن اراب امىرلىكتەرىنىڭ باقىت مينيسترلىگىنىڭ وكىلدەرىمەن كەزدەسۋ بارىسىندا ب ا ءا تاراپى بۇل قۇرىلىمنىڭ قىزمەتى تۋرالى حاباردار ەتتى جانە قازاقستاندىق ارىپتەستەرىمەن ىنتىماقتاستىقتى دامىتۋعا جانە تاجىريبە الماسۋعا دايىن ەكەندىكتەرىن جەتكىزدى.