قازاقستان بايلانىستىڭ بەسىنشى تولقىنىن ەنگىزۋگە دايىن - داۋرەن ابايەۆ
بۇل تۋرالى ق ر اقپارات جانە كوممۋنيكاتسيالار ءمينيسترى داۋرەن ابايەۆ و ا ر- داعى حالىقارالىق ەلەكتر بايلانىسى وداعى دۇنيەجۇزىلىك فورۋمىندا جاساعان بايانداماسىندا ءمالىم ەتتى، دەپ حابارلايدى قازاقپارات ق ر ا ك م باسپا ءسوز قىزمەتىنە سىلتەمە جاساپ.
بۇدان بۇرىن حابارلانعانداي، 10-13- قىركۇيەك ارالىعىندا وڭتۇستىك افريكا رەسپۋبليكاسىنىڭ دۋربان قالاسىندا حالىقارالىق ەلەكتر بايلانىسى وداعى دۇنيەجۇزىلىك فورۋمى - ITU Telecom-2018 World ءوتىپ جاتىر. بۇل ءىس-شاراعا قازاقستاننىڭ اتىنان ق ر اقپارات جانە كوممۋنيكاتسيالار ءمينيسترى داۋرەن ابايەۆ قاتىسۋدا.
فورۋم اياسىندا مينيسترلەردىڭ دوڭگەلەك ۇستەلى ءوتتى. ونىڭ بارىسىندا ۇكىمەتتەردىڭ ينتەللەكتۋالدىق تسيفرلىق تەحنولوگيالاردى دامىتۋ شارتتارى، جاڭا تسيفرلى الەمنىڭ قاۋىپ-قاتەرلەرىن جويۋ جانە تسيفرلىق تەحنولوگيالاردى دامىتۋدى قارجىلاندىرۋ ماسەلەلەرى تالقىلاندى.
داۋرەن ابايەۆ ءوز بايانداماسىندا جاھاندىق ەكونوميكانى دامىتۋ مەن ادامداردىڭ ءومىر ءسۇرۋ جاعدايىن ارتتىرۋدا اقپاراتتىق- كوممۋنيكاتسيالىق تەحنولوگيالاردىڭ (ا ك ت) ماڭىزدىلىعىن اتاپ ءوتتى.
مينيستر رەسپۋبليكامىزدىڭ الدىندا تۇرعان تاۋەكەلدەر مەن جەتىستىكتەر تۋرالى ايتا كەلە، «سيفرلىق قازاقستان» مەملەكەتتىك باعدارلاماسىنىڭ ايرىقشا ءرولىن اتاپ ءوتتى. بۇل بىزگە اكت سالاسىن ساپالى دامىتۋدىڭ جاڭا كەزەڭىنە شىعۋىمىزعا مۇمكىندىك بەرەدى.
ۆەدومستۆو باسشىسى قازاقستاننىڭ حالىقارالىق ەلەكتر بايلانىسى وداعىمەن بىرلەسىپ بەسىنشى بايلانىس تولقىنىن ەنگىزۋگە، كەڭ جولاقتى ينتەرنەتتى ۇسىنۋ ءۇشىن گەوستانتسيونارلىق ەمەس سپۋتنيكتى كەڭىنەن قولدانۋعا دايىن ەكەندىگىن جەتكىزدى.
سونداي-اق، فورۋم اياسىندا مينيستر حالىقارالىق ەلەكتر بايلانىسى وداعىنىڭ باس حاتشىسى حوۋلين چجاومەن كەزدەستى. سونداي-اق، ITU ەلەكتر بايلانىسىن دامىتۋ بيۋروسىنىڭ ديرەكتورى براحيم سانۋمەن، ساۋد ارابياسى كوممۋنيكاتسيالار جانە اقپاراتتىق تەحنولوگيالار كوميسسياسىنىڭ ءتوراعاسى ابدۋلازيز بين سالەم ال رۋايسپەن جانە ازەربايدان كولىك، بايلانىس جانە جوعارى تەحنولوگيالار ءمينيسترىنىڭ ورىنباسارى ەلمير توفيگ وگلۋ ۆەليزادەمەن جۇزدەستى.