استانادا قازاق-قىتاي بيزنەس فورۋمى باستالدى

استانا. قازاقپارات - ەلوردادا قازاق-قىتاي بيزنەس فورۋمى وتۋدە. اتالعان شارا «ءبىر جول - ءبىر بەلدەۋ» باستاماسىنىڭ بەس جىلدىعىنا ارنالىپ وتىر.

ونى قىتاي باسشىسى شي جينپيڭ قازاقستانعا جاساعان ساپارى كەزىندە جاريالاعان بولاتىن، دەپ حابارلايدى قازاقپارات ءتىلشىسى.

ق ر ينۆەستيتسيالار جانە دامۋ مينيسترلىگىنىڭ ينۆەستيتسيالار جونىندەگى كوميتەتتىڭ ءتوراعاسى ەرلان قايىروۆتىڭ ايتۋىنشا، فورۋمنىڭ نەگىزگى ماقساتى - ەكى ەلدىڭ بيزنەسمەندەرى اراسىندا بايلانىس ورناتۋ، جاڭا جوبالارعا جول اشۋ.

«فورۋمنان كەيىن ەكى ەلدىڭ كاسىپكەرلەرى جەكە-دارا كەزدەسىپ، جاڭا جوبالاردى تالقىلاي الادى. نەگىزى، بۇعان دەيىن قولعا الىنعان جوبالار ويداعىداي ىسكە اسىپ جاتىر. وسى جولى ءبىز جاڭا جوبالاردى تالقىلايمىز»، - دەدى ە. قايىروۆ قازاقپارات تىلشىسىنە بەرگەن سۇحباتىندا.

مينيسترلىكتىڭ مالىمەتىنە سايكەس، فورۋمعا ەكى ەلدىڭ 400 گە جۋىق كاسىپكەرى قاتىسۋدا. بۇگىندە قازاقستان ەكونوميكاسىنا ينۆەستيتسيا قۇيۋ جاعىنان قىتاي كوشباسشى مەملەكەتتەردىڭ قاتارىنا كىرەدى. سوڭعى ون جىلدا اتالعان مەملەكەت سان الۋان ينۆەستيتسيالىق جوبالارعا 15 ميلليارد دوللاردان استام قارجى سالدى. وتكەن جىلى قازاقستان مەن قىتاي اراسىنداعى ساۋدا اينالىمى 10,5 ميلليارد دوللاردان استى.