قازاقستاندىقتار الەمدەگى ەڭ از قوزعالاتىندار تىزىمىنە ەندى
قازاقستاندىقتار بۇل تىزىمدە ەڭ از قوزعالاتىندار قاتارىنا ەندى، دەپ حابارلايدى قازاقپارات «حابار 24» تەلەارناسىنا سىلتەمە جاساپ.
د د ۇ- نىڭ مالىمەتتەرىنە سايكەس، قازاقستاندا 18 جاستان اسقان ەرلەر مەن ايەلدەردىڭ 27,5 پايىزى سپورتپەن كوپ شۇعىلدانبايدى. ال بەلارۋس پەن قىرعىزستاندا بۇل كورسەتكىش ايتارلىقتاي جاقسى - حالىقتىڭ 14 پايىزى از قوزعالادى.
سپورتتىق بەلسەندىلىك جاعىنان رەسەي، وزبەكستان جانە ۋكراينا قازاقستاننىڭ الدىندا تۇر. ال حالقى ەڭ كوپ قوزعالاتىن مەملەكەتتەر ۋگاندا مەن موزامبيك بولىپ تابىلادى. وندا تۇرعىنداردىڭ 6 پايىزى عانا سپورتقا جاقىن ەمەس ەكەن.
بۇل رەتتە، كۋۆەيت جانە ساۋد ارابياسى سىندى باي مەملەكەتتەردە ەرەسەكتەردىڭ جارتىسىنان استامى قوزعالىستى سۇيمەتىن بولىپ شىقتى. ولار رەيتينگتە ا ق ش پەن ۇلى بريتانيانى دا باسىپ وزعان. ءبىراق ول ەلدەردە دە كورسەتكىشتەر ءبىر-بىرىنەن اسا الشاق ەمەس.
وسىلايشا، الەمدەگى ءاربىر بەسىنشى ەرەسەك ادام فيزيكالىق جاعىنان بەلسەندى ەمەس. وسىعان وراي، د د ۇ دابىل قاعىپ، ينفەكتسيالىق ەمەس سىرقاتتارعا شالدىققاندار سانى ارتىپ وتىرعانىن ايتۋدا. ولاردىڭ اراسىندا جۇرەك اۋرۋلارى، قان ديابەتى، ءسۇت بەزى مەن توق ىشەگىنىڭ قاتەرلى ىسىگى بار.
د د ۇ باسشىسى تەدروس ادحانوم گەبرەيسۋستىڭ ايتۋىنشا، كاسىپقوي سپورتشى بولۋعا مىندەتتى ەمەس. ليفتىمەن ەمەس - ساتىمەن كوتەرىلۋ، كوبىرەك ءجۇرىپ، ۆەلوسيپەد تەبۋ جەتكىلىكتى.
تەلەارنانىڭ حابارلاۋىنشا، الداعى 27- قىركۇيەك كۇنى نيۋ-يوركتە وتەتىن ب ۇ ۇ باس اسسامبلەياسىنىڭ 73-سەسسياسىندا ينفەكتسيالىق سىرقاتتار بويىنشا جوعارى دەڭگەيدەگى ءۇشىنشى كەڭەس وتەتىن بولادى. فورۋم قاتىسۋشىلارى الەم حالقىنىڭ سپورتتىق بەلسەندىلىگىن ارتتىرۋ بويىنشا د د ۇ- نىڭ جاھاندىق جوسپارىن تالقىلايدى.