قىرعىزستانداعى تۇركى كەڭەسى سامميتى جوعارى دەڭگەيدە ءوتتى - اسقار ۋماروۆ

 بىشكەك. قازاقپارات - ىستىقكول جاعاسىندا تۇركى ەلدەرى ىنتىماقتاستىق كەڭەسىنىڭ كەزەكتى سامميتى جوعارى دەڭگەيدە ءوتتى. بۇل تۋرالى ت م د اقپاراتتىق كەڭەسىنىڭ وتىرىسىندا كابار اگەنتتىگىنە «قازاقپارات» ح ا ا باس ديرەكتورى اسقار ۋماروۆ مالىمدەدى.

ول قىرعىزستان پرەزيدەنتى سوورونباي جەەنبەكوۆ سامميتتى وتە جوعارى دەڭگەيدە وتكىزگەنىن اتاپ كورسەتتى.

«بۇل قىرعىز رەسپۋبليكاسىنىڭ كەمەلدەنە تۇسكەنىن كورسەتىپ، تاماشا ءوتتى. ءبىز وقىرماندارىمىزدى قارقىنمەن دامىپ كەلە جاتقان قىرعىزستانداعى پروتسەستەرمەن تانىستىرۋ ءۇشىن كوپتەگەن ماتەريالدار ازىرلەدىك»، - دەيدى اسقار ۋماروۆ.

ول قازاقستان پرەزيدەنتى نۇرسۇلتان نازاربايەۆ باۋىرلاس قىرعىزستانعا ەرەكشە نازار اۋداراتىنىن تىلگە تيەك ەتتى. ا. ۋماروۆ قازاقستاندىقتار قىرعىزستانمەن ءوزارا بايلانىستاردىڭ دامۋىنا ۇلكەن ءمان بەرەتىنىن ايتا كەلە: «قازاقستان پرەزيدەنتى نۇرسۇلتان نازاربايەۆ باۋىرلاس قىرعىزستانعا جاقسى قارىم- قاتىناستا. ول قىرعىزستان پرەزيدەنتى سوورونباي جەەنبەكوۆپەن مەيلىنشە جاقسى، باۋىرلىق قاتىناستارىن ورناتقان»، - دەدى.

«بۇگىنگى تاڭدا الەمنىڭ 140 ەلىنە حابار تاراتاتىن «قازاق. ت ۆ» تەلەارناسىندا قىرعىز تىلىندەگى باعدارلامالار بار، ءبىزدىڭ مەنشىكتى تىلشىلەرىمىز بىشكەكتە قىزمەت ەتىپ ءجۇر. ءبىز قىرعىزستان ورتالىق ازيا وڭىرىندە ماڭىزى زور ەل دەپ سانايمىز، سوندىقتان دا كوپتەگەن ب ا ق- تىڭ مۇندا مەنشىكتى ءتىلشىسى بولۋى قاجەت دەپ سانايدى»، - دەدى اسقار ۋماروۆ.