اۋا رايى: ەلىمىزدىڭ باسىم بولىگىندە جەل كۇشەيىپ، تۇمان تۇسەدى
كاسىپورىننىڭ مالىمەتتەرىنە قاراعاندا، انتيتسيكلون قازاقستاننىڭ وبلىستارىنىڭ باسىم بولىگىنە ىقپال ەتەدى، سونىڭ سالدارىنان ەلىمىزدىڭ باسىم بولىگىندە كۇن اشىق بولادى. تەك ەلدىڭ سولتۇستىك باتىسى مەن سولتۇستىگىندە ازداعان جاۋىن بولۋى ىقتيمال. الايدا وسى كۇنى رەسپۋبليكانىڭ كەي ايماقتارىندا جەل كۇشەيىپ، ونىڭ سوڭى شاڭدى داۋىلعا دا ۇلاسۋى ىقتيمال. تۇندە جانە تاڭ اتا ەلدىڭ ءبىرقاتار ايماقتارىنا تۇمان تۇسەدى.
الماتى وبلىسىنىڭ جالاڭاشكول اۋماعىندا جەلدىڭ جىلدامدىعى سەكۋندىنا 17-22 مەترگە، ال ەكپىنى 25 مەترگە جەتەدى.
شىعىس قازاقستان وبلىسىندا كەي جەرلەردە جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى، كۇندىز جەلدىڭ ەكپىنى سەكۋندىنا 23 مەترگە جەتەدى. تۇندە جانە تاڭ اتا تۇمان تۇسەدى.
اقمولا، قوستاناي، سولتۇستىك قازاقستان، پاۆلودار وبلىستارىندا تۇندە جانە كۇندىز ءبىرقاتار ايماقتاردا تۇمان تۇسەدى دەگەن بولجام بار. تۇركىستان، ماڭعىستاۋ جانە جامبىل وبلىستارىندا جەلدىڭ جىلدامدىعى سەكۋندىنا 15-20 مەترگە جەتەدى. جامبىل وبلىسىندا جەلدىڭ سوڭى شاڭدى داۋىلعا ۇلاسۋى ىقتيمال.
قاراعاندى وبلىسىندا تۇندە جانە تاڭ اتا كەي جەرلەردە تۇمان ءتۇسىپ جەل سەكۋندىنا 18 مەتر جىلدامدىقپەن سوعادى. جامبىل وبلىسىندا جەلدىڭ جىلدامدىعى سەكۋندىنا 15-20 مەترگە جەتەدى، كەي جەرلەرگە تۇمان ءتۇسۋى ىقتيمال.
قىزىلوردا، تۇركىستان وبلىستارى مەن جامبىل، اتىراۋ، باتىس قازاقستان، ماڭعىستاۋ، اقتوبە جانە قاراعاندى وبلىستارىنىڭ كەي جەرلەرىندە ءورت قاۋپى ساقتالادى.