كوشپەندىلەر ويىندارى: قازاق كوكپارشىلارى رەسەيلىكتەردى ويسىراتا جەڭدى
«ءسىز بەن ءبىز، اسىرەسە قىرعىزدار كۇتكەن كوكپاردان ۇلتتىق قۇراما بۇگىن العاشقى ويىنىن رەسەيدىڭ كراسنويارسك كومانداسىمەن وتكىزىپ، قارسىلاستارىن 15:3 ەسەبىمەن ويسىراتا جەڭدى»، - دەيدى ق ر مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتىنىڭ باسپا ءسوز حاتشىسى راۋحان تۇعۇمبايەۆا ءوزىنىڭ فەيسبۋك پاراقشاسىندا.
ەسكە سالا كەتسەك، بۇعان دەيىن ق ر مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى III دۇنيەجۇزىلىك كوشپەندىلەر ويىندارى قازاقستان كوكپارشىلارىنىڭ قاتىساتىنىن راستاعان بولاتىن. وعان دەيىن ءبىرقاتار ب ا ق بەتتەرى مەن الەۋمەتتىك جەلىلەردە قىرعىز رەسپۋبليكاسىندا ءوتىپ جاتقان III دۇنيەجۇزىلىك كوشپەندىلەر ويىندارىندا كوكپاردان قازاقستان قۇراماسى جالعا ات الا الماۋى سەبەپتى ويىنعا قاتىسا المايتىنى تۋرالى اقپارات شىققان ەدى.