داياشى تەمىرتاۋدا تويعا كەلگەندەردىڭ جاپپاي ۋلانۋىنا سەبەپشى بولعان
«سالمونەللەزدى تاراتۋشى داياشى ەكەنى انىقتالدى جانە ونىڭ بۇل كەزدەگى جاعدايى قاناعاتتانارلىق بولعان. سوندىقتاندا تاراتۋشىنىڭ ەرەكشەلىگى ول ءوزىنىڭ جاعدايى تۋرالى بىلمەگەن جانە وسىلايشا ادامدارعا جۇقتىرا بەرگەن» ، - دەدى قاراعاندى وبلىسى قوعامدىق دەنساۋلىقتى قورعاۋ دەپارتامەنتىنىڭ جەتەكشىسى يۋري زالىگين.
ونىڭ ايتۋىنشا، مەيرامحاناداعى سانيتارلىق كىتاپشاسى جوق ءۇش ادامنىڭ قاتارىندا ءدال وسى داياشى بولعان.
«بۇگىندە مەيرامحانا باسشىلىعى مەديتسينالىق تەكسەرىستەن وتكەنى تۋرالى انىقتاماسى جوق ادامدى نە سەبەپتى جۇمىسقا العانى انىقتالۋدا، تەرگەۋ ورگانى تەكسەرۋدە »، - دەگەن يۋري زالىگين داياشىنىڭ ەمدەلىپ جاتقانىن جەتكىزدى.
ەستەرىڭىزگە سالا كەتەيىك، تەمىرتاۋدا ۇيلەنۋ توي بارىسىندا 18 ادام ۋلانىپ قالعان. اتالعان ءىس بويىنشا ق ر ق ك 304 - بابى 1 - ءبولىمى بويىنشا (سانيتاريالىق قاعيدالاردى نەمەسە گيگيەنالىق نورماتيۆتەردى بۇزۋ) قىلمىستىق ءىس قوزعالدى.
Baq.kz