ءتورت ەلدىڭ عالىمدارى قانىش ساتبايەۆتىڭ فەنومەنىن تالقىلاماق
ونىڭ اياسىندا «ق. ي. ساتبايەۆ - تۇلعا. پاتريوت. عالىم» اتتى حالىقارالىق سيمپوزيۋم ۇيىمداستىرۋ جوسپارلانعان، دەپ حابارلايدى قازاقپارات قاراعاندى وبلىستىق ءماسليحاتىنىڭ سايتىنا سىلتەمە جاساپ.
ءىس-شارانىڭ ماقساتى - ق. ي. ساتبايەۆتىڭ عىلىمي يدەيالارى مەن مۇرالارىن جان-جاقتى تانىمال ەتۋ، سونداي-اق ەۋرازيا اۋماعىندا تاۋ-كەن ونەركاسىبى جانە ەجەلگى مەتاللۋرگيا ماسەلەلەرىن تالقىلاۋ.
سيمپوزيۋمعا قازاقستان، رەسەي، ۋكراينا جانە جاپونيانىڭ جەتەكشى عالىمدارى، قوعام قايراتكەرلەرى مەن زيالى قاۋىم وكىلدەرى قاتىسادى. عالىمدار ق. ساتبايەۆتىڭ فەنومەنى، ونىڭ عىلىمعا قوسقان ۇلەسى تاقىرىپتارىن تالقىلاپ، قازىرگى ارحەولوگيالىق جاڭالىقتار تۋرالى پىكىرتالاس ۇيىمداستىرماق.
سيمپوزيۋمنىڭ ءبىرىنشى ءبولىمى بۇگىن قاراعاندىداعى وبلىستىق تاريحي-ولكەتانۋ مۋزەيىندە ءوتىپ جاتىر. 4- قىركۇيەكتە سيمپوزيۋمعا قاتىسۋشىلار ساتبايەۆ قالاسىندا جينالادى.
اعىمداعى جىلى ساتبايەۆ قالاسىنا 45 جىل تولادى. قالانىڭ وتكەنى ۇلكەن ونەركاسىپتىك ايماقتىڭ تاريحىمەن تىعىز بايلانىستى. قالا قانىش ساتبايەۆتىڭ ەسىمىمەن اتالادى.
قانىش يمانتاي ۇلى ساتبايەۆ - اتاقتى گەولوگ-عالىم، مينەرولوگيا عىلىمدارىنىڭ دوكتورى، پروفەسسور، اكادەميك، قازاق ك س ر عىلىم اكادەمياسىن ۇيىمداستىرۋشى جانە ونىڭ تۇڭعىش پرەزيدەنتى.