الەم مەرگەندەرى استانادا ءوزارا مىقتىنى انىقتاۋدى باستادى

 استانا. قازاقپارات - ەلورداداعى «قازانات» يپپودرومىندا الەم ساداقشىلارىنىڭ قاتىسۋىمەن مەرگەندىك باسەكەسى باستالىپ كەتتى.

بۇل باسەكە ەرتەڭ باستالاتىن ІІ «التىن جەبە» حالىقارالىق تۋرنيرىنە جاتتىعۋ رەتىندە ۇيىمداستىرىلدى.

قىرىققا جۋىق مەرگەندەر جاياۋ تۇرىپ نىسانا اتۋدان باق سىنادى. ەلۋ مەترلىك قاشىقتىقتاعى نىسانا اتۋدا الماتىلىق مەرگەن تۇرىسبەكوۆ باقتياردىڭ الدىنا تۇسكەن ەشكىم بولمادى. جيىنى 69 ۇپاي جيناعان باقتيار تۇرىسبەكوۆ باس جۇلدە - 300 دوللاردى ۇتىپ الدى. ەكىنشى جۇلدە - 250 دوللارلىق سىيلىق 59 ۇپاي ەنشىلەگەن جامبى اتۋدىڭ سۇرمەرگەنى، تارازدىق ابزال تۋلىبەكوۆكە بۇيىردى. ءۇشىنشى جۇلدە - 150 دوللاردى رەسەيلىك ساداقشى ودينوكوۆ سەرگەي يەلەندى.

ەرتەڭ «قازانات» اتشابارىندا «التىن جەبە» حالىقارالىق تۋرنيرى باستالادى. جامبى اتۋدىڭ قىزىعىن تاماشالاۋعا اسىعىڭىزدار، قادىرلى جانكۇيەر! تۋرنير باعدارلاماسى تومەندەگىدەي.

 

30 - تامىز

10.00 -12.30 تۋرنيردىڭ І كەزەڭى «ازيالىق ستيل»

12.30 -15.00 تۇسكى ءۇزىلىس

15.00 -15.30 تۋرنيردىڭ سالتاناتتى اشىلۋى

15.30 -18.30 تۋرنيردىڭ Ⅱكەزەڭى «تۇرىك ءستيلى»

 

31 - تامىز

14.00-17.00 تۋرنيردىڭ Ⅲكەزەڭى «قازاق ءستيلى»

17.00-17.30 جەڭىمپازداردى ماراپاتتاۋ. تۋرنيردىڭ سالتاناتتى جابىلۋ ءراسىمى

Baq.kz