الماتىداعى شىمبۇلاققا قار ءتۇستى

الماتى. قازاقپارات - شىمبۇلاق تاۋ شاڭعى كۋرورتىنا بيىلعى العاشقى قار ءتۇستى، دەپ حابارلايدى قازاقپارات ءتىلشىسى.

قار كۋرورتتىڭ جوعارى جاعىنا، تالعار اسۋىنا جاۋعان. كۋرورت جۇمىسشىلارى تاڭدانىسىن جاسىرا الماي، ونىڭ ۆيدەولارى مەن فوتولارىن الەۋمەتتىك جەلىدە ءبولىسىپ جاتىر.

حابارلارعا قاراعاندا، اسۋداعى اۋا تەمپەراتۋراسى كۇندىز 6-8 گرادۋس نولدەن جوعارى، ال قالانىڭ ىشىندە سەلسي بويىنشا 25-28 گرادۋس ىستىق.

تاۋدىڭ شىڭدارىن جاڭا قار قاباتى باسقانىن قالادان كورۋگە بولادى. ول جازدىڭ اپتابىنان كەيىن اۋا رايىن ازداپ سالقىنداتادى.