بارلىق تۋريستىك كومپانيالار تۋركودپەن جۇمىس ىستەۋگە مىندەتتەلەدى - مينيسترلىك
«بۇگىندە شەتەلگە شىعاتىن كەز كەلگەن تۋريست ءتيىستى كودتى الۋى كەرەك. بۇگىندە «تۋريستىك قامقور» قورىنىڭ قۇرامىنا ەنبەگەن تۋريستىك كومپانيالار وزدەرىنىڭ تۋريستەرىنە قاجەتتى جاعدايدى تولىقتاي جاساي المايدى. سوندىقتان دا شەتەلگە باراتىن ادامدار وزدەرىنىڭ وپەراتورلارىنان تۋريستىك كودتى تالاپ ەتۋى ءتيىس. قازىرگى كەزدە تۋروپەراتورلاردىڭ كوبى «قامقور» قورى ارقىلى تۋريستىك كودتاردى الادى. الايدا تۋريستەردى شەتەلگە اتالعان تۋركودسىز باعىتتاپ جاتقان كومپانيالار مەن وپەراتورلار ءالى دە بار» ، - دەپ توقتالدى قوجاعاپانوۆ.
ونىڭ سوزىنە قاراعاندا، الداعى جىلدان باستاپ تۋريستىك قىزمەت ماسەلەلەرى تۋرالى جاڭا زاڭناما كۇشىنە ەنگەننەن كەيىن، كومپانيالاردىڭ 100 پايىزى تۋركود الۋعا مىندەتتى بولادى.
«بىزدە تۋريستىك كومپانيالاردىڭ نارىعى نىعايماعانىن ەسكەرە وتىرىپ، ءبىز ولارعا سالماق ءتۇسىرىپ جاتقان جوقپىز. ءبىراق، اتالعان زاڭ كۇشىنە ەنگەننەن سوڭ، ولاردىڭ بارلىعى تۋركودپەن جۇمىس ىستەيدى. سونىمەن قاتار، قاجەتتى ساقتاندىرۋ قورىن قۇرۋعا مىندەتتەلەدى» ، - دەدى ۆيتسە- مينيستر.
بۇدان بۇرىن حابارلانعانداي، ماماندار الاياق تۋراگەنتتەردەن ساقتانۋدىڭ جولدارىن ايتقان بولاتىن.
تۋركود دەگەن نە؟ تۋريستىك كود 11-13 (شىعاتىن ەلگە قاتىستى) قارىپتىك- ساندىق سيمۆولداردان تۇرادى. ول ءار جولدامانى رەسىمدەگەن كەزدە اۆتوماتتى تۇردە بەرىلەدى. تۋريست كۇتپەگەن جاعدايعا تاپ بولعان كەزدە قورمەن بايلانىسىپ، ءوزىنىڭ تۋركودىنىڭ ءنومىرىن حابارلايدى جانە شۇعىل تۇردە 24 ساعاتتىڭ ىشىندە كومەك كۇتۋگە قۇقىلى.
«تۋركود جەكە پاراقپەن نەمەسە جولداماعا جازىلىپ بەرىلۋى مۇمكىن. ولاي بولماعان جاعدايدا، تۋروپەراتوردىڭ قىزمەتى زاڭسىز دەپ تانىلادى جانە ءسىز ولاردىڭ قىزمەتىنە كۇمانمەن قاراپ، بىردەن باس تارتۋعا قۇقىلىسىز. كەلەڭسىز جاعدايعا تاپ بولا قالعان جاعدايدا، تۋركود ءسىزدىڭ ەڭ جاقىن ۋاقىتتاعى رەيسپەن ەلگە امان- ەسەن ورالۋىڭىزدىڭ كەپىلى. تۋروپەراتورعا تۋريستىك كودتى قور جارنا مەن بانكتىك كەپىلدەمەلەر تولەنگەننەن كەيىن عانا بەرەدى» ، - دەپ اتاپ وتىلگەن «تۋريستىك قامقور» حابارلاماسىندا.
بۇگىنگى تاڭدا «تۋريستىك قامقور» قورىنىڭ قۇرامىنا 56 تۋروپەراتور مۇشەلىككە ەنگەن. ولاردىڭ تىزىمىمەن fondkamkor.kz سايتىندا تانىسۋعا بولادى. الايدا قازاقستاندا شەتەلگە شىعۋمەن اينالىساتىن ۇزىن سانى 140 كومپانيا قىزمەت ەتەدى.
اۆتور: رۋسلان عابباسوۆ