ب ۇ ۇ: اۋعانستان لاڭكەستەرى ورتالىق ازيا ەلدەرىنە قاۋىپ ءتوندىرىپ وتىر
18:57, 25 - تامىز 2018
استانا. قازاقپارات - ب ۇ ۇ قاۋىپسىزدىك كەڭەسىنىڭ وتىرىسىندا اۋعانستان لاڭكەستەرىنىڭ ورتالىق ازيا ەلدەرىنە ايتارلىقتاي قاۋىپ تۋدىرىپ وتىرعانى تۋرالى ايتىلدى دەپ حابارلايدى Tengrinews.kz.
بۇل تۋرالى ق ر س ءى م باسپا ءسوز قىزمەتى مالىمدەدى. اۋعانستان لاڭكەستەرى تاراپىنان ورتالىق ازيا ەلدەرىنە ءتونىپ وتىرعان قاۋىپ كۇشەيىپ كەلە جاتقان كورىنەدى. وعان شەتەلدىك اسكەريلەردىڭ سيريا مەن يراكتان اۋعانستانعا قاراي ويىسقانى سەبەپ بولىپ وتىر، دەيدى ب ۇ ۇ وكىلدەرى.
بۇل تۋرالى ب ۇ ۇ باس حاتشىسىنىڭ ورىنباسارى ۆلاديمير ۆورونكوۆ قاۋىپسىزدىك كەڭەسى وتىرىسىندا مالىمدەدى.
قازاقستاننىڭ ب ۇ ۇ جانىنداعى تۇراقتى وكىلى قايرات وماروۆ وتىرىستا ءسوز الىپ، تەرروريزممەن كۇرەستى نىعايتۋ ماقساتىندا حالىقارالىق، ايماقتىق جانە ۇلتتىق دەڭگەيدە كۇش بىرىكتىرۋگە شاقىردى.
وسى ورايدا ول تەرروريزم مەن ەكسترەميزمنىڭ جاستار اراسىندا تاراپ كەتپەۋىنە كوپ كوڭىل ءبولۋى كەرەك ەكەنىن اتاپ ءوتتى.