يراندا قازاق كۇرەسى فەدەراتسياسى قۇرىلدى
«بيىل قازاق كۇرەسىنەن ازيا چەمپيوناتىن وتكىزۋ ەرەجەسىنە ءبىرقاتار وزگەرىستەر ەنگىگىزدىك. تاجىريبەلىك ەرەجە بويىنشا ەۋروپا چەمپيوناتىن وتكىزگەن ەدىك. سول سەكىلدى ەندىگى كەزەكتە ازيا چەمپيوناتىن ۇيىمداستىرامىز. باستى وزگەرىستەردىڭ ءبىرى - بۇدان بىلاي بالۋاندار بوز كىلەمگە كۇرەسكەندە كيەتىن اياق كيىممەن ەمەس، جالاڭ اياق شىعادى. جابىندى (بوز كىلەمنىڭ جابىندىسى - اۆت.) وزگەرتىلدى. ءبىز ونىڭ تىعىز بولا تۇسكەنىن قالاپ وتىرمىز. وسىلايشا، بۇل وزگەرىس كۇرەستىڭ كوركىن قىزدىرا تۇسەدى. وسىنىڭ ەسەبىنەن جابىندى قاتتى بولا تۇسەدى دە، بۇل كۇرەستىڭ كوركىن قىزدىرماق. ۇشىنشىدەن، بوز كىلەمدە بەلسەندىلىك تانىتپاعان بالۋانعا 30 سەكۋند قانا ۋاقىت بەرىلەدى»، - دەدى قانات بوزىمبايەۆ.
ول سونىمەن بىرگە، قازاق كۇرەسىن الەمدىك دەڭگەيدەگى سپورت تۇرلەرىنىڭ قاتارىنا ەنگىزۋ باعىتىندا قانداي جۇمىستار اتقارىلىپ جاتقانىن ايتىپ بەردى.
«ءبىز جوسپار بويىنشا قازاق كۇرەسىن تانىناتىن ۇيىمداردىڭ سانىن جاقىندا عانا يراندا قازاق كۇرەسىنەن ۇلتتىق فەدەراتسيا اشىلدى. يران فەدەراتسياسى قازىردىڭ وزىندە بالالار سەكسيالارىن اشىپ، ءوز كلۋبتارىندا قازاق كۇرەسىن ناسيحاتتاۋ جولىندا بارىن سالىپ جاتىر. قازاق كۇرەسى تۋرالى بيلبوردتار ول جاقتا كوپتەپ ءىلىنىپ تە قويعان. جوسپاردا قازاق كۇرەسىنەن يران ۇلتتىق چەمپيوناتىن وتكىزۋ، وعان تەگەراننىڭ بالۋاندارىن شاقىرۋ، وقۋ باعدارلامالارىن ازىرلەۋ ءۇشىن قازاقستاندىق مامانداردى جولداۋ بار. وسى جىلى سونىمەن بىرگە، جاقىن شەتەلدەردە، سونىڭ ىشىندە رەسەي مەن وزبەكستاندا قازاق كۇرەسىنەن وقۋ وتكىزۋدى كوزدەۋدەمىز. ول ەلدەردە قااق دياسپورالارىنىڭ وكىلدەرى قازاق كۇرەسىنەن ۇيىرمەلەردى اشۋعا كۇش سالۋدا»، - دەدى ول.
ەسكە سالا كەتسەك، بۇعان دەيىن 26- تامىزدا استانادا «داۋلەت» سپورت كەشەنىندە قازاق كۇرەسىنەن ازيا چەمپيوناتى وتەتىنىن حابارلاعان بولاتىنبىز. چەمپيوناتقا 11 مەملەكەتتەن 77 سپورتشى قاتىسپاق.