ەۋروپادا قازاقستاندىق انيماتسيالىق فيلم تانىستىرىلدى
«ريگادا 8 بەن 18 جاس ارالىعىنداعى ەر جانە قىز بالالار اراسىندا شاحماتتان ەۋروپا چەمپيوناتى باستالدى. چەمپيوناتتىڭ اشىلۋ سالتاناتىندا «شاحمات پاتشالىعى» انيماتسيالىق فيلمىن تانىستىردىم. اۋديتوريا كەڭ اۋقىمدى بولدى 47 ەلدەن 1 080 بالا، ودان بولەك اتا- انالار، باپكەرلەر جانە سۋديالار بار. قۇرمەتتى قوناقتاردىڭ ىشىندە كيرسان يليۋمجانوۆ، لاتۆيانىڭ قارجى ءمينيسترى جانە حالىقارالىق گروسسمەيستەر دانا رەيزنيەتسە- وزولا، ودان بولەك ءبىلىم ءمينيسترى، ريگا قالاسىنىڭ مەرى ورىنباسارى، دەپۋتاتتار، جۋرناليستەر، شاحمات شەنەۋنىكتەرى جانە تاعى باسقالار بولدى» ، - دەدى قازاقستاندىق شاحماتشى، حالىقارالىق گروسسمەيستەر دارمەن ءسادۋاقاسوۆ فەيسبۋكتەگى پاراقشاسىندا.
ايتا كەتەيىك، «شاحمات پاتشالىعى» ق ر اقپارات جانە كوممۋنكاتسيالار مينيسترلىگىنىڭ قولداۋىمەن، «بالاپان» تەلەارناسىنىڭ تاپسىرىسىمەن «د. ءسادۋاقاسوۆ اتىنداعى شاحمات اكادەمياسى» دايىنداعان 32 سەريادان تۇراتىن انيماتسيالىق فيلم. مۋلتفيلم 3D فورماتتا جانە ءۇش تىلدە ازىرلەنگەن.