جەرگىلىكتى بيلىكتىڭ مالىمدەۋىنشە، بيىل بەس پارىزدىڭ ءبىرىن ورىنداۋ ءۇشىن ەلگە الەمنىڭ تۇكپىر- تۇكپىرىنەن 1 ميلليون 700 مىڭعا جۋىق شەتەلدىك كەلگەن. قالعانى - وسى ەلدىڭ ازاماتتارى. ولار ءۇش كۇن ىشىندە مۇحاممەد پايعامباردىڭ ومىرىمەن بايلانىستى ورىندارعا بارىپ، قاجىلىق سالتتارىن جاسايدى. ونىڭ ىشىندە كاعبانى جەتى رەت اينالىپ، ءتاۋ ەتۋ، ارافادا تۇرۋ، مۇزداليفادا تۇنەۋ، شايتانعا تاس اتۋ، قۇرباندىق شالۋ سياقتى امالدار بار.
قۇرباندىق شالۋدان كەيىن قۇربان ايت باستالادى. قاجىلىققا بايلانىستى ساۋد ارابياسىندا قاۋىپسىزدىك شارالارى كۇشەيتىلگەن. سونداي- اق ادەتتەگىدەي جەدەل دارىگەرلىك قىزمەت كورسەتۋ توپتارى كوبەيتىلىپ، ادامدارعا ءارتۇرلى جاعدايدا كومەك كورسەتەتىن توپتار قۇرىلعان.