كۇزدە ۇكىمەتتىڭ ەسەبىن تىڭدايمىز - ماۋلەن اشىمبايەۆ
«وسى كۇزدە پارتيا ءتوراعاسىنىڭ تاپسىرماسى بويىنشا ۇكىمەتتىڭ ەسەبى بولادى. پارتيانىڭ الدىندا. ويتكەنى وزدەرىڭىز بىلەسىزدەر، ۇكىمەتتىڭ جاساقتالۋىنا پارتيا تىكەلەي ارالاستى. سايلاۋدا جەڭىسكە جەتكەن پارتيا رەتىندە ۇكىمەتپەن تىعىز جۇمىس ىستەۋدەمىز. سوندىقتان وسى كۇزدە الەۋمەتتىك سالاعا، ەكونوميكاعا، باسقا دا سالالارعا قاتىستى ۇكىمەتتىڭ ەسەبىن تىڭدايمىز. سوندا ولار پارتيانىڭ سايلاۋالدى باعدارلاماسىنىڭ، پارتيا ءتوراعاسىنىڭ تاپسىرمالارى قالاي ورىندالىپ جاتقانى تۋرالى اقپارات بەرەدى»، - دەدى م. اشىمبايەۆ قازاقپارات تىلشىسىنە بەرگەن سۇحباتىندا.
ونىڭ ايتۋىنشا، الداعى ۋاقىتتا ۇكىمەت ەسەبىن تىڭداۋ فورماتى انىقتالادى.
«قازىر ءبىز فورماتىن تالقىلاۋدامىز. ۇكىمەتتىڭ كەڭەيتىلگەن وتىرىسى بولا ما، پارتياداعى ۇلكەن جينالىس بولا ما، ءبىز ول فورماتتى ۇكىمەتپەن بىرگە پىسىقتاپ، كۇز ايلارىندا وسىنداي ۇلكەن جيىن وتكىزەمىز. سول جەردە بارلىق پروبلەمالاردى كوتەرىپ، ءوزىمىزدىڭ ناقتى ويلارىمىزدى، ۇسىنىستارىمىزدى بەرۋگە دايىندالىپ جاتىرمىز»، - دەپ اتاپ كورسەتتى م. اشىمبايەۆ.