«التىن ۇكى» كۋبوگى ءۇشىن اۋعانستان، بەلارۋس، بەلگيا، ۇلىبريتانيا، ءۇندىستان، يتاليا، قىتاي، قىرعىزستان، قازاقستان، پاكىستان مەن رەسەي سىندى الەمنىڭ 11 ەلىنەن كەلگەن ۇزدىك مەرگەندەر باق سىناسادى. جارىستىڭ باقىلاۋشىلاردى رەتىندە ا ق ش، ءب ا ا، وڭتۇستىك كورەيا جانە تۇركيا ەلدەرىنىڭ وكىلدەرى قاتىسادى.
بەس كۇنگە سوزىلاتىن سايىستى مەرگەندەر ءارتۇرلى قاشىقتىقتان، جىلدامدىقپەن جانە جىلدامدىقسىز، تاۋلىكتىڭ تۇنگى جانە كۇندىزگى ۋاقىتتارىندا ويلى- قىرلى جەرلەردە باعدار الۋ مەن بۇركەۋ داعدىلارىن قولدانۋ ارقىلى نىساناعا كوزدەۋدەن كۇش سىناسادى.
الداعى دودا «التىن ۇكى - 2018» جارىستارىنىڭ تاريحىنداعى ەڭ ءىرىسى بولماق. كەيبىر ەلدەر سايىسقا العاش رەت قاتىسىپ جاتىر.
ەسكە سالايىق، حالىقارالىق «التىن ۇكى» جارىستارى 2008 -جىلدان بەرى وتكىزىلىپ كەلەدى. ولار ءاردايىم وزگە سايىستاردان ەرەكشەلىگىمەن باسىم تۇسەدى. دودانى جوسپارلاۋ مەن ۇيىمداستىرۋ بارىسىندا قازاقستاندىق مەرگەندەردىڭ ا ق ش، يوردانيا، بەلورۋس، رەسەيدە وتكەن جارىستاردان العان تاجىريبەلەرى ەسەپكە الىندى.