تۋ ۇستاۋشى سپورتشى ازيا ويىندارىنان نە كۇتەتىنىن ايتتى

استانا. قازاقپارات - ازيا ويىندارىندا قازاقستان ۇلتتىق قۇراماسىنىڭ تۋىن ۇستايتىن بوكسشى ءابىلحان امانقۇل (75 كەلى) ءدۇبىرلى دودادان نە كۇتەتىنى تۋرالى ايتتى، دەپ حابارلايدى «SPORTINFORM»  س ا ا.

«كوڭىل كۇيىمىز تاماشا، ءقازىر ءبىز ازيا ويىندارىنا قىزۋ دايىندىق ۇستىندەمىز. ازيادادا وسال قارسىلاس بولمايدى. ال كىم مىقتى ەكەنىن سول جەردە انىقتايمىز. جانكۇيەرلەرگە راحمەت، سىزدەردى قۋانتا الامىز دەپ ويلايمىن»، - دەدى امانقۇل.

قازىر ءابىلحان امانقۇل استانادا ۇلتتىق قۇراما كوماندانىڭ باسقا مۇشەلەرىمەن بىرگە ازيا ويىندارى الدىنداعى سوڭعى جاتتىعۋلارىن وتكىزىپ جاتىر.

جازعى ازيا ويىندارى يندونەزيادا 18- تامىزدان 2- قىركۇيەككە دەيىنگى ارالىقتا وتەدى.