اتالمىش راسىمگە اقتوبە وبلىسىنىڭ اكىمى بەردىبەك ساپاربايەۆ، مادەنيەت جانە سپورت مينيسترلىگىنىڭ جاۋاپتى حاتشىسى قۋاتجان ۋاليەۆ، قازاقستان رەسپۋبليكاسىنىڭ ماجارستان رەسپۋبليكاسىنداعى توتەنشە جانە وكىلەتتى ەلشىسى نۇرباح رۇستەموۆ، سونداي- اق، حالىقارالىق تۇركى اكادەمياسىنىڭ پرەزيدەنتى دارحان قىدىرالى، قىرعىزستان مەن باشقۇرتستان دەلەگاتسياسىنىڭ وكىلدەرى قاتىستى. ماجارستانداعى اباي ەسكەرتكىشى قازاقستان رەسپۋبليكاسى پرەزيدەنتىنىڭ تاپسىرماسىمەن 2014 -جىلدىڭ ماۋسىم ايىندا بۋداپەشتتىڭ بەدەلدى اۋداندارىنىڭ بىرىندە ورناتىلعان. تۇركى اكادەمياسىنىڭ پرەزيدەنتى دارحان قىدىرالىنىڭ ايتۋىنشا، ۇلى ابايدىڭ ەسكەرتكىشى - كۇللى تۇركى الەمىنە ورتاق. ويتكەنى اباي - تۇركى گۋمانيتارلىق ويىنىڭ مۇراسى. بۇگىندە ونىڭ ەڭبەكتەرىن ەۋروپا وقي باستادى، دەمەك كەلەشەكتە قازاق اعارتۋشىسىنىڭ شىعارمالارىنىڭ ارقاسىندا الەم باسقا دا تۇرىك حالىقتارىنىڭ ادەبيەتىن - «ماناس» ەپوسىن، احمەت- زاكي ءۆاليديدىڭ جانە باسقا دا كوپتەگەن اۆتورلاردىڭ تۋىندىلارىمەن تانىسادى. ماجارستانداعى ق ر توتەنشە جانە وكىلەتتى ەلشىسى نۇرباح رۇستەموۆ كەلگەن قوناقتارعا ەسكەرتكىشتىڭ ورناتىلۋ تاريحىن اڭگىمەلەپ بەردى. 2014 -جىلى شىعىس قازاقستان وبلىسى ماجارستانعا تانىمال جەرلەستەرىنىڭ ءمۇسىنىن جىبەرۋ ميسسياسىن ءوز موينىنا العان. ءمۇسىن قولادان جاسالعان.
10:03, 11 تامىز 2018
بۋداپەشتتە اباي قۇنانبايەۆتىڭ ەسكەرتكىشىنە گۇل شوقتارى قويىلدى
بۋداپەشت. قازاقپارات - «تۇران» تۇركى حالىقتارىنىڭ دۇنيەجۇزىلىك قۇرىلتايىندا اباي ەسكەرتكىشىنە گۇل شوقتارى قويىلدى، دەپ حابارلايدى قازاقپارات.