ول وزىمەن سويلەسكەن ادامعا قاتىستى كەز كەلگەن مالىمەتتى ءبىلىپ الاتىن كورىنەدى، - دەپ حابارلايدى MediaLeaks. ال كەيبىر ەلدەردە مومو قاۋىپتى حاكەرلىك قاتەر دەلىنىپ، ونىمەن كۇرەس جولدارى دا قاراستىرىلىپ جاتىر ەكەن. سەبەبى ول بۇرىندارى ەلدۋ شۋلاتىپ، بالالاردىڭ ولىمىنە اكەپ سوققان كوك كيت ويىنىنا ۇقساس دەلىندى. مومو تۋرالى الىپ- قاشپا اڭگىمەلەر باستاپقىدا يسپان ينتەرنەتىندە پايدا بولعان.
ونىڭ شارتى بىلاي: ادامنىڭ ۇرەيىن تۋعىزاتىن قىزدىڭ سۋرەتى بار قولدانۋشىنى WhatsApp جەلىسىندە تاۋىپ الىپ، وعان ءوز تىلىڭىزدە حابارلاما جازۋ كەرەك. ول ءوز كەزەگىندە ءسىزدىڭ تىلدە جاۋاپ بەرىپ، ارتىنشا ءتۇرلى قورقىنىشتى تاپسىرمالار بەرە باستايدى. مومو تۋرالى قاۋەسەتتەر شىلدە ايىنىڭ ورتاسىندا Reddit ەسىمدى قولدانۋشىنىڭ سۋرەت سالعانىنان كەيىن تاراي باستاعان. سويتسەك، مومو وبرازى 2016 -جىلى جاسالىپ قويىپتى. بۇل ءمۇسىندى ارنايى ەففەكتىلەر جاساۋمەن اينالىساتىن Link Factory جاپون كومپانياسى دايىنداپتى. ول تۇڭعىش رەت 2016 -جىلدىڭ 17-27 - تامىزى ارالىعىندا وتكەن Vanilla Gallery كورمەسىندە كورسەتىلىپتى. بۇل ءمۇسىننىڭ اتاۋى - «قۇس ايەل» جانە قىتاي مەن جاپون ميفولوگياسىنان شىققان. ميفولوگيا جەلىسى بويىنشا، جۇكتى كەزىندە قايتىس بولعان ايەل ەندى جاڭا وبرازدا بوتەن بالالاردى قورعاپ جۇرەدى. كورمەدە تۇسىرىلگەن سۋرەتتەر وبرازدىڭ اياق- قولى بار ەكەنىن اڭعارۋعا بولادى.
Kaz.tengrinews.kz