بالقان ەلدەرىندە داۋلەتكەرەي مەن ماحامبەتتىڭ كۇيلەرى ورىندالدى
23- شىلدەدە باستالعان تۋرنە اياسىندا وركەستر بالقان تۇبەگىنىڭ ءۇش ەلىندە 6 كونسەرت بەردى. كونسەرتتەر پريشتينا، پريزرەن، تسەتين، موستار، سارايەۆو جانە زەنيتسا قالالارىندا بولدى.
بيىل وركەستردىڭ قۇرامى ازەربايجان، قازاقستان، قىرعىزستان، تۇركيا جانە تۇرىكمەنستاننىڭ دارىندى مۋزىكانتتارىمەن تولىقتى. ديريجەرى - ازەربايجاندىق ماەسترو مۇستافا مەحمانداروۆ.
تۋرنەدە وركەستر الەمدىك كلاسسيكا تۋىندىلارىمەن قاتار، قازاقتىڭ ايگىلى اقىنى ماحامبەتتىڭ تۋىندىسىن، قازاق حالىق كومپوزيتورى داۋلەتكەرەي شىعاي ۇلىنىڭ «كورۇعلى» كۇيىن ورىندادى.
تۇركسوي باس حاتشىسى دۇيسەن قاسەيىنوۆ بالقان تۋرنەسى تۋرالى ايتا كەلە، ونىڭ ءساتتى بولعانىن ايتتى.
«تۇركسوي جاستار كامەرالىق وركەسترىنىڭ تۋرنەسىن تاماشالاۋعا تۋىسقان حالىقتاردىڭ وكىلدەرى، سونىمەن قاتار تۇركى مادەنيەتى مەن ونەرىنە ءتانتى ادامدار كوپتەپ جينالدى. بيىل حالىقارالىق تۇركسوي ۇيىمىنىڭ 25 جىلدىعىن تويلاپ جاتىرمىز. شيرەك عاسىردان بەرى حالىقارالىق مادەنيە ىنتىماقتاستىق ۇيىمى ءتۇرلى حالىقتار اراسىندا دوستىق كوپىرىن سالىپ، مادەني جاقىنداستىرىپ كەلەدى»، - دەدى ول.