تۇركى اكادەمياسى موڭعوليا عالىمدارىن ماراپاتتادى
ەسكەرتكىشتەرىنىڭ جاڭا باعىتتا زەرتتەلە باستاعانىن اتاپ ءوتتى. الەمدىك عىلىمي قاۋىمداستىق بۇدان بۇرىن ورحون وزەنى بويىنداعى كونە تۇركى ەسكەرتكىشتەرىنە كوبىرەك كوڭىل بولگەن بولسا، حالىقارالىق ۇيىم مەن موڭعوليا ۇلتتىق مۋزەيىنىڭ بىرلەسكەن ەكسپەديتسياسى كەرۋلەن وزەنى القابىن نازاردا ۇستاپ وتىر. عالىمدار بۇل وڭىردە تۇركى داۋىرىنە ءتان كوپتەگەن ەسكەرتكىشتەر مەن عۇرىپتىق كەشەندەردىڭ ساقتالعانىن اتاپ ءوتتى. تۇركى اكادەمياسىنىڭ باسشىسى ۇزاق مەرىزىمگە جوسپارلانعان بۇل جۇمىستاردى «كەرۋلەن ەكسپەديتسياسى» دەپ اتاۋ قاجەت ەكەندىگىن ايتتى.
سونداي-اق، دالالىق عىلىمي-سەمينار بارىسىندا حالىقارالىق تۇركى اكادەمياسىنىڭ پرەزيدەنتى موڭعوليا ۇلتتىق مۋزەيىنىڭ ديرەكتورى داگۆاادورجىن سۇحبااتاردى اكادەميانىڭ ۆيلگەلم تومسەن مەدالىمەن، ارحەولوگ چينبولدىن باياندەلگەردى قۇرمەت گراموتاسىمەن ماراپاتتاپ، قازبا جۇمىستارىنا قاتىسىپ جاتقان عىلىمي قىزمەتكەرلەرگە العىس حاتتار تاپسىردى.