دانيار ەلەۋسىنوۆ كاسىپقوي رينگتە ءۇشىنشى رەت جەڭىسكە جەتتى

دانيار كارديففتەگى (ۋەلس) Ice Arena Wales الاڭىندا ماجارستاندىق گابور گوربيچتى (24-11, 14 ك و) جەڭدى.

التى راۋندقا جوسپارلانعان جارتىلاي ورتا سالماق دارەجەسىندەگى جەكپە-جەكتە دانيار بارلىق تورەشىنىڭ ورتاق داۋىسىمەن جەڭىسكە جەتتى. بۇل دانياردىڭ كاسىپقوي رينگتەگى ءۇشىنشى جەڭىسى.

ال قارسىلاسى وسىمەن 12 مارتە جەڭىلىستىڭ اششى ءدامىن تاتتى.

ەسكە سالا كەتسەك، د. ەلەۋسىنوۆ 28- ساۋىردە پروفي-رينگتە العاش رەت قولعاپ ءتۇيىستىردى، ول جولى بوكسشى امەريكالىق نوا كيدتى (3-1-1, 2 ك و) ءۇشىنشى راۋندتا تەحنيكالىق نوكاۋتپەن جەڭدى. كەيىن 6- ماۋسىمدا لوندوندا ماجارلىق زولتان شابونى (25-12، 11 ك و) ۇتتى.