وزبەكستاندىقتار قازاقستان كاسىپكەرلەرىمەن بىرگە جۇمىس ىستەۋگە نيەتتى
بۇل تۋرالى بۇگىن تاشكەنتتە وتكەن شەتەلدىك جانە جەرگىلىكتى ينۆەستورلاردىڭ ۇسىنىستارىن اشىق تالقىلاۋ الاڭىندا ايتىلدى.
بۇعان دەيىن پىكىرتالاس الاڭىندا ەلدەگى حيميا جانە مەتاللۋرگيا، مۇناي گاز ءوندىرىسى مەن جەڭىل ونەركاسىپ ماسەلەسى تالقىلانعان بولاتىن. باۋىرلاس ەلدەر اراسىنداعى جۇيەلى جۇمىستىڭ ناتيجەسىندە ەكى ەل اۋماعىندا بىرنەشە بىرلەسكەن كاسىپورىن جۇمىس ىستەپ تۇر. ەندى ەكى ەل اراسىنداعى ماشينا جاساۋ سالاسىن ودان ءارى جانداندىرۋ جايى ءسوز بولدى.
جيىندا وزبەكستانداعى ەڭ ءىرى ماشينا جاساۋ جانە اۋىل شارۋاشىلىعى تەحنيكالارى مەن ەلەكتر جابدىقتارىن شىعاراتىن كومپانيالار وزدەرىنىڭ ينۆەستيتسيالىق مۇمكىندىكتەرىن تانىستىردى.
ءبىر عانا «ۋزاۆتوسانوات» ا ق 2021 جىلعا دەيىن جالپى سوماسى 290 ميلليون ا ق ش دوللارىنان اساتىن 10 ينۆەستيتسيالىق جوبانى جۇزەگە اسىرماق. ونىڭ ىشىندە كولىكتەرگە قاجەتتى قوسالقى بولشەكتەر مەن جەڭىل كولىكتىڭ جاڭا ءتۇرىن شىعارۋ دا بار.
وسىلايشا، بۇعان دەيىن ءبىزدىڭ ەلگە جەڭىل كولىك ەكسپورتتاپ كەلگەن وزبەكستاندىقتار ەندى قازاقستاندىق كاسىپكەرلەردى بىرلەسىپ جۇمىس ىستەۋگە شاقىرىپ وتىر. وعان قوسا، ەل پرەزيدەنتى جارلىعىمەن تامىز ايىنان باستاپ وزبەكستاندا شەتەلدىك كاپيتالى بار كاسىپورىندار قۇرۋ جەڭىلدەتىلدى.
«البەتتە وزگە ەلدەردىڭ ينۆەستيتسيا سالۋشىلارىمەن تىعىز بايلانىس ورناتۋعا دايىنبىز. جوبانى الدىمەن بىرگە وتىرىپ تالقىلايمىز، مۇمكىندىكتەرىن سارالاپ، قىزىعۋشىلىق بولسا ورتاق جۇمىس ىستەۋگە دايىنبىز. قاجەت بولسا، بارلىق جاعىنان قولداۋ كورسەتەمىز»، - دەدى ۋزاۆتوسانوات» ا ق ستراتەگيالىق جوسپارلاۋ ءبولىمىنىڭ باستىعى باحودير راحمونوۆ. «ءبىز جاڭادان ءوسىپ كەلە جاتقان نارىقتىڭ ورتاسىندا تۇرمىز. ءبىر جاعىنان الەمدىك نارىققا شىعۋعا قولايلى. بۇل جەردە ت م د ەلدەرى مەن ەۋروپا، قىتاي جانە ونتۇستىك-شىعىس ازيا نارىعىنا جول اشىلادى. ءبىز بۇگىنگى شارانى وتكىزۋ ارقىلى سول مۇمكىندىكتەرگە بىرلەسە شىعۋدىڭ جولىن قاراستىردىق. وعان قوسا، وسىعان قىزىعۋشىلىق تانىتىپ وتىرعان ينۆەستورلاردىڭ الەۋەتىن ارتتىرۋدى كوزدەپ وتىرمىز»، - دەيدى وزبەكستان ينۆەستيتسيالىق كوميتەتى ينۆەستيتسيالىق ءبولىم باسشىسى نودير ابدۋللايەۆ.