جەتى ەلدىڭ ارحەولوگتارى قولا داۋىرىندەگى ورتالىق ازياداعى جاھاندانۋ پروتسەستەرىن زەرتتەيدى

استانا. قازاقپارات - ەۋروپالىق الەۋمەتتىك قور ورتالىق ازيادا تاريحي داۋىردەگى جاھاندانۋ پروتسەستەرىن زەرتتەۋدى قارجىلاندىرادى.

ليتۆا، فرانسيا، ا ق ش، گەرمانيا، قىرعىزستان، قازاقستان جانە رەسەي ەلدەرىنىڭ 15 ارحەولوگىنان قۇرالعان نەگىزگى زەرتتەۋ كومانداسى 2018-جىلدىڭ 1-15- تامىزىنان باستاپ قىرعىزستانداعى كوح-كور قالاسىنا جاقىن ورنالاسقان چاپا ۋچاسكەسىندە قازبا جۇمىستارىن جۇرگىزەدى، دەپ حابارلايدى قازاقپارات الماتىداعى يۋنەسكو بيۋروسىنا سىلتەمە جاساپ.

«سوڭعى ونجىلدىقتا ەۋرازياداعى ارحەولوگيالىق زەرتتەۋلەر 3000 جىلدان استام ۋاقىت بۇرىن ۇلى جىبەك جولىنىڭ الدىندا تايپالار مەن حالىقتاردىڭ اراسىندا الىستان ءوزارا بايلانىس بولعانىن راستادى. زەرتتەۋشىلەر ەجەلگى زامانداردا ادامداردىڭ، جانۋارلاردىڭ، تاۋارلاردىڭ، وسىمدىكتەردىڭ جانە داستۇرلەردىڭ الماسقانىن انىقتادى»، - دەپ اتاپ ءوتتى يۋنەسكو بيۋروسى فەيسبۋكتە.

قىرعىزستانداعى جوبانىڭ ماقساتى - ورتالىق ازياداعى مارگينالدىق تاۋلى لاندشافتتاردا ەجەلگى زامانعى ازىق- تۇلىككە بايلانىستى جاھاندانۋ پروتسەسىن ايقىنداۋ. بۇل ماسەلە ءجىتى قارالىپ جاتىر. قولا داۋىرىندە (ب. ز. ب. 2500 - 1500-جىلدارى) تاۋلى ولكەلەردەگى ادامداردىڭ قالاي ءومىر سۇرگەنىنە تالداۋ جاسالۋدا.

بۇل جوبانى ۆيلنيۋس ۋنيۆەرسيتەتى «ماناس» قىرعىزستان- تۇركيا ۋنيۆەرسيتەتىمەن بىرلەسىپ جۇزەگە اسىرىپ جاتىر. وعان گيەدرە موتۋزايتە (Ms Giedre Motuzaite Matuzeviciute) عىلىمي جەتەكشىلىك ەتۋدە.