استانا جانىنداعى پاتشا قورعانىندا قازبا جۇمىستارى باستالدى

استانا. قازاقپارات - «رۋحاني جاڭعىرۋ» مەملەكەتتىك باعدارلاماسىن جۇزەگە اسىرۋ اياسىندا استانا قالاسى اكىمدىگىنىڭ باستاماسىمەن ەلوردانىڭ جانىنداعى پاتشا قورعانىندا قازبا جۇمىستارى قولعا الىندى، دەپ حابارلايدى قازاقپارات قالالىق مادەنيەت جانە سپورت باسقارماسىنا سىلتەمە جاساپ.

بۇل قورعان قازىرگى زامانعى مەگاپوليستىڭ اۋماعىندا ساق داۋىرىندە دە تىرشىلىكتىڭ بولعانىنا دالەل بولا الادى.

قورىمدى زەرتتەۋ جۇمىستارىن ۇيلەستىرۋشى - استانا قالاسىنىڭ مادەنيەت جانە سپورت باسقارماسى. قازبا جۇمىستارىن ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ەسىل ارحەولوگيالىق ەكسپەديتسياسى جۇرگىزەدى. ارحەولوگتار ەكى اپتا بويى تىنىمسىز ەڭبەك ەتۋدە. زەرتتەۋ جۇمىستارى بارىسىندا قورعاننىڭ جوعارعى قاباتىنداعى باستاپقى 7 قابىر (ياعني، ەڭ ەرتەدەگى) اشىلدى. جەرلەۋ ءراسىمى بويىنشا زيراتتار 15-16 ع ع. جاتقىزىلدى.

ايتا كەتەيىك، ولار مۇسىلمان داستۇرىمەن جاسالعان. ەكى مولادان اشەكەيلەر تابىلدى، ونىڭ ىشىندە قولا سىرعا مەن كۇمىس ءجىپ تە بار. ال قىزدىڭ قابىرىنەن نەكە جۇزىگى تابىلدى. ول ونى وڭ قولىنا كيگەن ەكەن.

 

قورعان قاراعاندىعا باراتىن جولدا كۇيگەنجار شاتقالىندا ورنالاسقان. قازىرگى كەزدە ساقتار قورعانىنىڭ شەتىندە قازاق زيراتى بار.

 

تاسپەن جابىلعان قورعاننىڭ بيىكتىگى 4 م، ديامەترى - 60 م. ونىڭ گرانيت پليتالارى نۇرا وزەنىنىڭ جاعاسىنان الىنعانى بەلگىلى.