قازاقستانمەن قوش ايتىسقان ا ق ش باس كونسۋلى قۇرت پەن ەتتى ساعىناتىنىن ايتتى

الماتى. قازاقپارات - بۇگىن ا ق ش-تىڭ قازاقستانداعى باس كونسۋلى مارك مۋدي سوڭعى جۇمىس كۇنىندە الماتىلىقتارمەن قوشتاسۋ روليگىن جاريالادى، دەپ حابارلايدى قازاقپارات ءتىلشىسى.

ا ق ش كونسۋلى بەينەكادردا قالا تۇرعىندارىنا العىس ايتتى.

«الماتىداعى دوستارىممەن، ارىپتەستەرىممەن قوشتاساتىنىمدى ويلاسام، مۇڭعا باتامىن. مەن وسى كەرەمەت قالادا جۇمىس ىستەگەنىم ءۇشىن، وڭتۇستىك ايماقتا ارال تەڭىزىنەن باستاپ جوڭعار قاقپاسىنا دەيىن ارالاعانىم ءۇشىن باقىتتىمىن»، - دەدى ول.

كونسۋل قازاقستاننىڭ ۇلتتىق تاعامدارىنان نەنى ساعىناتىنىن ايتتى.

«مەنىڭ ەسىمنەن قىزىلوردادا جەگەن ەت پەن قازىعۇرتتا ءدام تاتقان قۇرت كەتپەيدى. بارلىقتارىڭىزعا كورسەتكەن قولداۋلارىڭىز ءۇشىن كوپ راحمەت، جەلىدەگى جازىلۋشىلارىمىزعا دا العىس»، - دەدى كونسۋل.

ايتا كەتۋ كەرەك، ا ق ش-تىڭ الماتىداعى باس كونسۋلدىعى بۇرىنعى قۇراممەن جۇمىسىن جالعاستىرا بەرەدى.

جاڭا باس كونسۋلدىڭ كىم بولاتىنى كەيىن جاريالانادى. مارك مۋدي امەريكا قۇراما شتاتتارىنىڭ الماتىداعى باس كونسۋلى قىزمەتىنە 2015 -جىلدىڭ 24 -تامىزىندا تاعايىندالعان بولاتىن. م. مۋدي ديپلوماتيا سالاسىنا 1995 -جىلى كەلگەن. رود-ايلەند شتاتىنداعى نيۋپورت اسكەري تەڭىز كوللەدجىن ءتامامداعان.