بريتاندىق ماماندار قازاقستانداعى ۇشۋ قاۋىپسىزدىگىن باقىلاماق

استانا. قازاقپارات - ق ر  ي د م ازاماتتىق اۆياتسيا كوميتەتىنىڭ وكىلدەرى ۇلى بريتانيالىق ارىپتەستەرىمەن كەزدەسۋ وتكىزدى. بۇل جايىندا اقپارات اتالعان كوميتەتتىڭ فەيسبۋكتەگى پاراقشاسىندا جاريا ەتىلدى، دەپ حابارلايدى قازاقپارات ءتىلشىسى.

«100 ناقتى قادام» ۇلت جوسپارىنىڭ اياسىندا قازاقستاننىڭ ازاماتتىق اۆياتسيا سالاسىن مەملەكەتتىك رەتتەۋدىڭ بريتاندىق ۇلگىسىنە (68-قادام) كوشۋ بويىنشا UK CAA ماماندارىمەن جۇمىس جالعاسۋدا. بۇگىن ق ر  ي د م ازاماتتىق اۆياتسيا كوميتەتىنىڭ وكىلدەرى UK CAA حالىقارالىق دامۋ اعا مەنەدجەرى ليام بەرنمەن كەزدەسۋ وتكىزدى»، - دەلىنگەن تاراتىلعان اقپاراتتا.

 ۆەدومستۆونىڭ اتاپ وتۋىنشە، الداعى ۋاقىتتا بريتاندىق ماماندار قازاقستانداعى ۇشۋ قاۋىپسىزدىگىن باقىلاماق.

«كەزدەسۋ بارىسىندا بولاشاق ىنتىماقتاستىقتىڭ جولدارى تالقىلاندى. الداعى ۋاقىتتا بريتاندىق ماماندار ۇشۋ قاۋىپسىزدىگىن باقىلاۋ جانە قاداعالاۋ بويىنشا جاڭا قۇرىلىمعا جۇمىسقا تارتىلادى دەپ كۇتىلۋدە»، - دەپ حابارلادى كوميتەتتەن.

 ايتا كەتەيىك، ليام بەرن UKCAAi حالىقارالىق دامۋ اعا مەنەدجەرى بولىپ جۇمىس ىستەيدى. ونىڭ Lufthansa Consulting, UKCAAi جانە باسقا دا ءىرى كومپانيالاردا ستراتەگيالىق دامۋ جانە جوسپارلاۋ بويىنشا كەڭەس بەرۋ سالاسىندا 16 جىلدان استام جۇمىس تاجىريبەسى بار.

اۆتور: مارلان جيەمباي