20 شاقىرىمعا سوزىلعان كول عالامشاردىڭ وڭتۇستىك پوليۋسىندە ورنالاسقان جانە ونىڭ بەتىن قالىڭ مۇز جاۋىپ جاتىر.
بۇل جاڭالىق «مارس- ەكسپرەسس» پلانەتارالىق ستانساسىندا ورناتىلعان Marsis رادارىنىڭ كومەگىمەن بەلگىلى بولعان.
بۇدان بۇرىن زەرتتەۋشىلەر مارستىڭ بەتىندە كەيدە ەرىگەن مۇزدىقتاردىڭ سۋلارى جاتاتىنىن بولجاعان ەدى. الايدا، قىزىل پلانەتادا ۇدايى سۋىق سۋ رەزەرۆۋارىنىڭ بار ەكەنىنە العاش رەت نەگىز پايدا بولدى.
ن ا س ا- نىڭ «كيۋريوسيتي» قۇرىلعىسى پلانەتانىڭ بەتىنەن كەپكەن كولدى تاۋىپ، بۇرىن مارستا سۋ بولعانىن دالەلدەگەن ەدى. الايدا، ودان بەرى پلانەتاداعى تەمپەراتۋرا ايتارلىقتاي تومەندەپ، سۋدىڭ كوپ بولىگى مۇزعا اينالدى.
«ول شاعىن كول بولۋى مۇمكىن»، - دەدى زەرتتەۋ جەتەكشىسى، يتاليا ۇلتتىق استروفيزيكا ينستيتۋتىنىڭ پروفەسسورى روبەرتو وروسەي.
رادار مۇز جامىلعىسىنىڭ قالىڭدىعىن ەسەپتەي العان جوق، الايدا عالىمدار ءبىر مەتردەن از ەمەس دەپ بولجام جاساۋدا.