قازاقستاننىڭ اسكەري دەلەگاتسياسى العاش رەت قىرعىزستانعا رەسمي ساپارمەن باردى
14:18, 25 - شىلدە 2018
بىشكەك. قازاقپارات - بۇگىن قىرعىزستان قارۋلى كۇشتەرىنىڭ باس شتابىندا قازاقستان اسكەري دەلەگاتسياسىمەن كەزدەسۋ ءوتتى، دەپ حابارلايدى كابار اگەنتتتىگى.
كورشى ەلدىڭ اسكەريلەرى تاۋەلسىزدىك العان جىلداردان بەرى العاش رەت رەسمي ساپارمەن بارىپ وتىر. ق ر قورعانىس ءمينيسترى گەنەرال-پولكوۆنيك ساكەن جاسۇزاقوۆ باستاعان قازاقستاننىڭ اسكەري دەلەگاتسياسى 24- شىلدەدە بىشكەككە كەلدى. ول قىرعىزستان پرەزيدەنتى، جوعارعى باس قولباسشىسى سوورونباي جەەنبەكوۆپەن كەزدەستى.
بۇگىن قىرعىزستان قارۋلى كۇشتەرى باس شتابىنىڭ باستىعى گەنەرال-مايور رايمبەردي دۋيشەنبيەۆپەن كەزدەسۋ وتەدى.
كەلىسسوزدەر بارىسىندا تاراپتار ورتالىق ازيا وڭىرىندەگى احۋالدى تالقىلايدى، ەكى ەلدىڭ قارۋلى كۇشتەرىن قۇرۋ بويىنشا تاجىريبە الماسادى جانە بىرلەسكەن قاۋىپسىزدىكتى قامتاماسىز ەتۋ ماسەلەلەرىن ءسوز ەتەدى. ديالوگ ناتيجەسىندە قىرعىزستان مەن ق ر ۇكىمەتتەرى اراسىنداعى اسكەري بارلاۋ سالاسىنداعى ىنتىماقتاستىق تۋرالى كەلىسىمگە قول قويىلادى دەپ كۇتىلۋدە.