مالايزيالىق كومپانيا استاناعا كوشە شامىن سىيعا تارتتى
ەلوردانىڭ كراۆتسوۆ كوشەسى بويىنشا پۋشكين كوشەسىنەن تاحا حۋسەين كوشەسىنە دەيىن 103 LED شامدارى ورناتىلدى. ول مالايزيالىق كومپانيانىڭ استانانىڭ 20 جىلدىعىنا جاساعان سىيى. بۇل شامداردىڭ ەرەكشەلىگى ەلەكتر قۋاتىن از شىعىنداپ، ۇزاق قىزمەت ەتەدى.
«ءبىزدىڭ باستامامىزدىڭ ماقساتى - بالامالى ەلەكتر كوزى مەن ەنەرگوتيىمدىلىك سالاسىندا تاجىريبەگە يە بولعاندىقتان قازاقستان استاناسىنا وسىنداي سىي جاساۋ»، - دەدى مالايزيالىق LLP «Itramas Corporation» كورپراتسياسىنىڭ اتقارۋشى ديرەكتورى يۋن شي لي بايقوڭىر اۋدانىنىڭ اكىمىنە كوشە شامىن تابىستاۋ كەزىندە.
بايقوڭىر اۋدانىنىڭ اكىمى ەرلان كاناليموۆتىڭ سوزىنشە، بۇل شامداردىڭ ارقاسىندا ەلەكتر قۋاتىنىڭ شىعىندارى 2,5 ەسەگە ازايادى، ال كوشەلەر وتاندىق شامدار ورناتىلعان كوشەلەرگە قاراعاندا 30 پايىزعا جارىق بولا تۇسپەك.
ايتا كەتەيىك، مۇنداي شامدار بارلىق مالايزيا بويىنشا ورناتىلعان. بۇگىندە كومپانيا Philips, Bosh, Siemens كومپانيالارىمەن بىرگە 40 تان استام ەلگە يمپورتتالادى.