قاي ايماقتاردىڭ تۇرعىندارى استاناعا ءجيى قونىس اۋداراتىنى انىقتالدى

استانا. قازاقپارات - قاي ايماقتاردىڭ تۇرعىندارى استاناعا ءجيى قونىس اۋداراتىنى انىقتالدى، دەپ حابارلايدى قالا اكىمدىگىنىڭ باسپا ءسوز قىزمەتى.

اكىمدىكتەگىلەردىڭ مالىمەتىنشە، 2018 -جىلدىڭ قاڭتار- مامىر ايلارى ارالىعىندا ەلورداعا 35370 ادام كەلىپ، 30981 ادام كوشىپ كەتكەن. «وسى جىلدىڭ قاڭتار- مامىر ايلارىنداعى كورسەتكىشتى 2017 -جىلعى قاڭتار- مامىرمەن سالىستىرعاندا، استانا قالاسىنا كەلگەندەر سانى 49,5 پايىزعا ازايدى، ال كەتكەندەر سانى 37,5 پايىزعا ازايدى.

ەلوردا حالقىنىڭ كوشى-قون وسىمىندە كەلگەندەر ۇلەسى اقمولا وبلىسىنان - 19,4 پايىز، وڭتۇستىك قازاقستاننان - 14,2 پايىز، قاراعاندىدان - 9، پايىز، شىعىس قازاقستاننان - 8,9 پايىز، الماتى قالاسىنان - 8,2 پايىز جانە باسقا وبلىستاردان 39,5 پايىزدى قۇرادى»، - دەلىنگەن اكىمدىكتىڭ حابارلاماسىندا.

سونداي-اق، استانا قالاسىنىڭ ت م د ەلدەرىمەن دە كوشى-قون ايىرىمى وڭ ءماندى ەكەنى ايتىلادى: ازەربايجان رەسپۋبليكاسى، قىرعىز رەسپۋبليكاسى، وزبەكستان رەسپۋبليكاسى.

«باسقا ەلدەرمەن وڭ ءماندى كوشى-قون ايىرىمى، نەگىزىنەن، گرۋزيا، ۇلى بريتانيامەن، بىرىككەن اراب امىرلىگى، ا ق ش، ساۋد ارابياسى، يسپانيا، چەح رەسپۋبليكاسى، قىتاي، جاپونيا، ليتۆا، تۇركيا، كورەيا رەسپۋبليكاسى، مالايزيا جانە موڭعوليامەن قالىپتاستى»، - دەپ قورىتىندىلادى ۆەدومستۆونىڭ باسپا ءسوز قىزمەتىندەگىلەر.