مۇسىلمانداردىڭ قويۋىنا تىيىم سالىنعان ەسىمدەر

نۇر-سۇلتان. قازاقپارات - يسلام دىنىندە كەي ەسىمدەردى ادامعا قويۋعا تىيىم سالىنادى.

«ابد» ءسوزى اراب تىلىندە «قۇل» دەگەن ماعىنا بىلدىرەدى. ونداي ەسىمدەردى مۇسىلمان بالاسىنا قويماعان ابزال.

ابدۋلۋززا - «ۋززانىڭ قۇلى»، ابدۋلقاعبا - «قاعبانىڭ قۇلى»، ءابدۋننابي - «پايعامباردىڭ قۇلى»، ابدۋرراسۋل - «ەلشىنىڭ قۇلى» دەگەن ماعىنادا، دەپ جازادى kazislam.kz.

پايعامبارىمىزدىڭ (س. ع. س) «ديناردىڭ قۇلى وڭباسىن، ديرحەمنىڭ قۇلى وڭباسىن، وكشەنىڭ قۇلى وڭباسىن، ماتانىڭ قۇلى وڭباسىن» دەگەن ءحاديسى بار.

اللانىڭ 99 ەسىمى بار ەكەنى بەلگىلى. ول ەسىمدەردى دە ادامعا قويۋعا بولمايدى. ماسەلەن، اللا، ار-راحمان، ءال-حاليق، اس-ساماد، ار-رازيق، ءال-احاد، ءال-ءباريي، راببى ت. ب.

سونداي-اق، جىن-شايتاننىڭ، دىنسىزدەردىڭ ەسىمىن بالاعا قويماعان ابزال.

ابۋ ھۋرايرادان جەتكەن حاديستە اللانىڭ ەلشىسى «قيامەت كۇنى اللانىڭ اشۋىن تۋدىراتىن، ەڭ ناقۇرىس ادام «بيلىك- مۇلىكتىڭ پاتشاسى» دەپ اتالاتىن ادام. بۇكىل بيلىك تەك اللاعا عانا ءتان». «اللانىڭ الدىندا ەسىمدەردىڭ ەڭ ناشاسى «پاتشالاردىڭ پاتشاسى» دەگەن ەكەن.

دىنىمىزدە «پاتشالاردىڭ پاتشاسى»، «اكىمدەردىڭ اكىمى»، «سۇلتانداردىڭ سۇلتانى» دەگەن سىڭايداعى ەسىمدەردى قويۋ قۇپتالمايدى.

پايعامبارىمىز (س. ع. س) ادام بالاسىنا جاقسى ات قويۋعا، جاعىمسىز ماعىناداعى ادام اتىن جاقسى اتقا اۋىستىرۋعا ۇندەيدى.