ۆيتسە-مينيستر: الماتىداعى قىلمىستىلىق دەڭگەيىن تومەندەتۋ ءۇشىن بارىمىزدى سالامىز
«الماتىداعى جاعدايعا توقتالساق، ىشكى ىستەر مينيسترلىگى قىلمىستاردىڭ اشىلۋى بويىنشا جۇمىستاردىڭ كەيبىر كورسەتكىشتەرىنە الاڭداۋلى، ونىڭ ىشىندە الماتىداعى ۇرلىق سەكىلدى قىلمىستار دا بار. سوندىقتان ىشكى ىستەر دەپارتامەنتى تاراپىنان دا تۇراقتى نەگىزدە ءتيىستى شارالار قابىلدانىپ جاتىر. وسى ورايدا الماتى گارنيزونىنا قانداي كومەك كورسەتۋ كەرەكتىگىن قوسىمشا زەرتتەيمىز»، - دەپ توقتالدى ر. جاقىپوۆ.
بۇل رەتتە ول الداعى ۋاقىتتا ىسكە اسىرىلاتىن شارالار ءتيىستى جۇمىستاردى كۇشەيتۋگە مۇمكىندىك بەرەتىنىن اتاپ ءوتتى.
«وزدەرىڭىز بىلەسىزدەر، الماتى ەلىمىزدەگى ەڭ ءىرى شاھاردىڭ ءبىرى. وندا تۇراقتى تۇرىپ جاتقان تۇرعىنداردان بولەك، ەلىمىزدىڭ باسقا وڭىرلەرىنەن باراتىن ادامداردىڭ دا قاراسى قالىڭ. بۇل جاعدايلار دا قىلمىستىلىق احۋالعا اسەر ەتەدى. الماتى ىشكى ىستەر دەپارتامەنتى تاراپىنان قابىلدانىپ جاتقان شارالار بۇگىندە جەتكىلىكسىز شىعار، الايدا الماتى پوليتسياسى مەن ءى ءى م قىلمىستىلىق دەڭگەيىن تومەندەتۋ ءۇشىن بارىن سالاتىن بولادى»، - دەپ ءتۇيدى ءسوزىن ءمينيستردىڭ ورىنباسارى.
ەسكە سالا كەتەيىك، استانادا ق ر ىشكى ىستەر ءمينيسترىنىڭ ورىنباسارى راشيد جاقىپوۆ دەنيس تەننىڭ ولىمىنە قاتىستى تەرگەۋ بويىنشا بريفينگ وتكىزدى.