استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ اقپاراتىنا سايكەس، جاسى بويىنشا زەينەتكە شىققاندارعا (ەڭ از مولشەردە زەيناتاقى الۋشىلاردان باسقا) دا ءبىرجولعى قارجىلاي كومەك كورسەتىلەدى. ءبىراق ول قارتتار كۇنى - 1 - قازانعا قاراي بەرىلەدى.
«استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسى 2017 -جىلدىڭ 12 - جەلتوقسانىنداعى ءماسليحاتىنىڭ شەشىمىمەن بەكىتىلگەن «الەۋمەتتىك كومەك كورسەتۋدىڭ، مولشەرلەرىن بەلگىلەۋدىڭ جانە مۇقتاج ازاماتتاردىڭ جەكەلەگەن ساناتتارىنىڭ تىزبەسىنە» سايكەس، 30 - تامىز (قازاقستان رەسپۋبليكاسىنىڭ كونستيتۋتسياسى كۇنى) - ەڭ تومەنگى مولشەردە زەينەتاقى الۋشىلارعا، 1 - قازان (قارتتار كۇنى) - جاسى بويىنشا زەينەتكە شىققاندارعا (ەڭ از مولشەرىدە زەيناتاقى الۋشىلاردان باسقا) ءبىرجولعى الەۋمەتتىك كومەك بەرىلەتىندىگىن مالىمدەيدى»، - دەلىنگەن حابارلامادا.
سونىمەن قاتار باسقارما استانا قالاسىندا كەلەسىدەي ەكىنشى دەڭگەيلى بانكتەرمەن كەلىسىمشارتتار جاسالماعاندىعىن اتاپ ءوتتى: كازكوممەرسبانك، مەتروبانك، سەنتركرەديت بانكى، فورتەبانك، نۇربانك، بانك ر ب ك، تۇرعىن ءۇي قۇرىلىس جيناق بانكى.
«وسىعان بايلانىستى ەلوردالىق زەينەتاقى الۋشىلاردى ءبىرجولعى كومەكپەن قامتاماسىز ەتۋ ءۇشىن حالىق بانكى، سەسنا بانكى، قازپوشتا جانە سبەربانكتا اشىلعان جەكە شوتتاردى بەرۋدى سۇرايمىز»، - دەدى باسقارمادان.
تولىعىراق كەڭەس الۋ ءۇشىن، استانا قالاسىنىڭ الەۋمەتتىك قورعاۋ جانە جۇمىسپەن قامتۋ باسقارماسىنىڭ مىنا مەكەن- جايلارىنا حابارلاسۋعا بولادى: دوستىق كوشەسى 13، بايلانىس تەلەفوندارى: 556822