گولوۆكيننىڭ ەكس-قارسىلاسى قانات يسلاممەن جەكپە-جەك وتكىزۋگە ىقىلاسى بار

استانا. قازاقپارات - جارتىلاي ورتا سالماقتا بۇرىنعى الەم چەمپيونى كەلل برۋك (37-2، 16 ك و) تاعى ءبىر قازاقستاندىق - قانات يسلاممەن (25-0، 20 ك و) جەكپە-جەك وتكىزۋى مۇمكىن.

بۇل تۋرالى Vesti.kz تىلشىسىنە بريتانيالىق بوكسشى كومانداسىنىڭ وكىلى لي اندەرۆۋد ايتىپ بەردى.

ونىڭ سوزىنشە، قازاقستاندىقپەن كەلىسىم جاساۋ مۇمكىندىگى بولمادى، الايدا، بۇل جەكپە-جەك بولاشاقتا ءوتۋى ىقتيمال.

«ءيا، راسىمەن قانات يسلامدى قاراستىرىپ وتىرمىز. ول ءبىرتالاي جەكپە-جەك وتكىزگەن بولاشاعى بار بوكسشى. وكىنىشتىسى، جەكپە-جەك تۋرالى كەلىسە المادىق. ەندى برۋك كانادالىق برەندون كۋكپەن جۇدىرىقتاسادى. بۇل جىگىت تە وڭاي ەمەس. قازىر كەللدىڭ بار ويى الداعى جەكپە-جەكتە. ال يسلاممەن بولاشاقتا جۇدىرىقتاسار»، - دەيدى اندەرۆۋد.

ايتا كەتەيىك، كەلل برۋك 2016-جىلى انگليادا قازاقستاندىق گەننادي گولوۆكينمەن جۇدىرىقتاسىپ، نوكاۋتپەن جەڭىلگەن. ال كۋك 2017-جىلى استانادا قانات يسلاممەن جۇدىرىقتاسىپ، نوكاۋتپەن جەڭىلگەن.