ترامپ حەلسينكيدە «سوزدەن جاڭىلعانىن» مويىندادى
10:13, 18 - شىلدە 2018
استانا. قازاقپارات - ا ق ش پرەزيدەنتى دونالد ترامپ حەلسينكيدەگى باسپا ءسوز كونفەرەنتسياسىندا ايتقان كەيبىر مالىمدەمەلەرىنىڭ «ءمانىن ءتۇسىندىرىپ بەردى».
ا ق ش پرەزيدەنتىن سىناۋشىلار ترامپتىڭ «رەسەي پرەزيدەنتى ۆلاديمير پۋتينگە ءوز بارلاۋشىلارىمنان قاراعاندا كوبىرەك سەنەمىن» دەگەنىن جاپپاي سىنعا العان.
17- شىلدەدە ترامپ جۋرناليستەردى اق ۇيگە جيناپ، «امەريكانىڭ ارنايى قىزمەتىنە رەسەي پرەزيدەنتىنە قاراعاندا كوبىرەك سەنەتىنىن» ايتتى.
«(2016-جىلعى ا ق ش- تاعى سايلاۋعا رەسەيدىڭ) ارالاسقانىن ايتقان بارلاۋشىلاردىڭ شەشىمىن قابىلدادىم. الدىن الا كەلىسىم بولعان جوق»، - دەدى ترامپ.
شىلدەنىڭ 16 ى كۇنى فينليانديا استاناسى حەلسينكيدە وتكەن سامميتتە ترامپ پەن پۋتين ەكى ساعات جەكە كەزدەستى. ترامپ «ا ق ش پەن رەسەيدىڭ جاقسى قارىم-قاتىناسى ەكى ەلگە عانا ەمەس بۇكىل الەمگە پايدالى» ەكەنىن جەتكىزگەن.
«ازاتتىق»