ەلباسى پاۆلودار وبلىسىنىڭ دامۋى جونىندە كەڭەس وتكىزدى

استانا. قازاقپارات - ەلباسى پاۆلودار وبلىسىنىڭ الەۋمەتتىك- ەكونوميكالىق دامۋ ماسەلەلەرى جونىندە كەڭەس وتكىزدى، دەپ حابارلايدى اقوردانىڭ باسپا ءسوز قىزمەتى.

جيىندى اشقان قازاقستان پرەزيدەنتى وبلىس باسشىلىعىنىڭ ناقتى جۇمىس اتقارىپ جاتقانىن جانە وڭىردە وڭ وزگەرىستەردىڭ بايقالىپ وتىرعانىن ايتتى.

«مەن بۇگىن بىرنەشە كاسىپورىندا بولىپ، جۇرتشىلىقپەن اڭگىمەلەستىم، حالىقتىڭ جاي- كۇيىمەن تانىستىم. وبلىس ەكونوميكاسىنىڭ شامامەن 50 پايىزى ونەركاسىپ سالاسىنا تيەسىلى. بۇل - قازاقستان وڭىرلەرى اراسىنداعى جوعارى كورسەتكىش»، - دەدى نۇرسۇلتان نازاربايەۆ.

قازاقستان پرەزيدەنتى پاۆلودار وبلىسىنىڭ گەوگرافيالىق تۇرعىدان ۇتىمدى ورنالاسقانىن اتاپ ءوتىپ، بۇل ءوڭىر رەسەي فەدەراتسياسىنىڭ ونەركاسىبى دامىعان وبلىستارىمەن شەكتەسەتىنىنە نازار اۋداردى.

ەلباسى پاۆلودار وبلىسىنىڭ دامۋى جونىندە كەڭەس وتكىزدى«بۇل وبلىستىڭ ونەركاسىپ، ەنەرگەتيكا، كولىك جانە اۋىل شارۋاشىلىعى سالالارىنداعى الەۋەتى زور»، - دەدى ەلباسى.

مەملەكەت باسشىسى ينفراقۇرىلىمدى دامىتۋ جانە ءتيىستى نىسانداردى سالۋ ماسەلەلەرىنە ەرەكشە توقتالدى.

«استانا مەن پاۆلوداردى ءبىرىنشى ساناتتى اۆتوبان جالعاپ جاتىر. ەندى، جول ءجۇرۋ ۋاقىتى بەس- التى ساعات ەمەس، ءۇش ساعاتقا قىسقارادى. وبلىستىڭ ترانزيتتىك الەۋەتى كەڭەيىپ كەلەدى»، - دەدى نۇرسۇلتان نازاربايەۆ.

قازاقستان پرەزيدەنتى ءوڭىردىڭ كاسىپكەرلەرىنە ارنالعان سوزىندە شيكىزاتتى قايتا وڭدەۋدى مەيلىنشە جاقسارتۋ جانە باسەكەگە قابىلەتتى ءونىم شىعارۋ ماسەلەلەرىنە نازار اۋداردى.

«مەن بۇگىن اليۋميني وندىرەتىن، توق وتكىزگىش كابەل جاسايتىن كومپانيالاردىڭ جانە باسقا دا كاسىپورىنداردىڭ جۇمىسىمەن تانىستىم. ءبىز قۇرىلىس ماتەريالدارىن شىعارۋ، تەرەزە جاقتاۋلارىن، ىدىس- اياق جانە اليۋمينييدەن فولگا جاساۋ مۇمكىندىگىن قاراستىرۋىمىز قاجەت. مىنە، وسى ىسكە ينۆەستيتسيا تارتىپ، كۇش جۇمىلدىرۋ كەرەك»، - دەدى ەلباسى.

كەڭەس بارىسىندا پاۆلودار وبلىسىنىڭ اكىمى بولات باقاۋوۆ مەملەكەت باسشىسىنا ءوڭىردىڭ الەۋمەتتىك- ەكونوميكالىق دامۋى، «رۋحاني جاڭعىرۋ» مەملەكەتتىك باعدارلاماسى جانە «پرەزيدەنتتىڭ بەس الەۋمەتتىك باستاماسى» اياسىندا ىسكە اسىرىلىپ جاتقان جوبالار جونىندە مالىمدەدى.

«2017 -جىلدىڭ قورىتىندىسى بويىنشا وبلىستىڭ جالپى ءونىمى العاش رەت 2 تريلليون تەڭگەدەن اسىپ، 3,6 پايىزعا جەتتى. بيىلعى ءبىرىنشى جارتى جىلدىقتىڭ قورىتىندىسى بويىنشا ءوندىرىس كولەمى 4,6 پايىزعا ارتتى. وبلىس كاسىپورىندارىنداعى ءوندىرىس ۇدەرىستەرىن سيفرلاندىرۋ جونىندەگى ءسىزدىڭ تاپسىرماڭىز ورىندالۋدا. تەحنولوگيالىق تۇرعىدان قايتا جابدىقتاۋ ىسىنە 200 ميلليارد تەڭگەدەن استام قارجى جۇمسالدى»، - دەدى وبلىس اكىمى.

مەملەكەت باسشىسى جيىن قورىتىندىسى بويىنشا وندىرىسكە حالىقارالىق «ەكسپو-2017» مامانداندىرىلعان كورمەسىندە كورسەتىلگەن «جاسىل» تەحنولوگيالاردى ەنگىزۋ، شاعىن جانە ورتا بيزنەستى، رەسەي وبلىستارىمەن شەكاراارالىق ساۋدا- ساتتىقتى دامىتۋ، وڭىردەگى تۋريستىك كلاستەردىڭ الەۋەتىن ارتتىرۋ، مال شارۋاشىلىعى مەن سۋارمالى ەگىنشىلىكتى وركەندەتۋ ءۇشىن ناقتى تاپسىرمالار بەردى.

كەڭەسكە پرەزيدەنت اكىمشىلىگىنىڭ باسشىسى ءا. جاقسىبەكوۆ، پرەمەر- ءمينيستردىڭ ءبىرىنشى ورىنباسارى ا. مامين، ەنەرگەتيكا ءمينيسترى ق. بوزىمبايەۆ، مەملەكەتتىك ورگانداردىڭ وكىلدەرى، ءىرى ونەركاسىپ كاسىپورىندارىنىڭ جەتەكشىلەرى، سونىڭ ىشىندە ERG ديرەكتورلار كەڭەسىنىڭ ءتوراعاسى ا. ماشكيەۆيچ، «پرومماش كومپلەكت» ج ش س- ءى ديرەكتورلار كەڭەسىنىڭ ءتوراعاسى د. سىزدىقوۆ، «ستالمونتاج» ج ش س- ءنىڭ باس ديرەكتورى ا. تەرەنتيەۆ، «كاز ەنەرگو كابەل» ا ق- نىڭ باس ديرەكتورى و. كرۋك جانە باسقا دا ازاماتتار قاتىستى.

سونىمەن قاتار، مەملەكەت باسشىسى سۇلتانماحمۇت تورايعىروۆ اتىنداعى پاۆلودار وبلىستىق بىرىككەن امبەباپ عىلىمي كىتاپحانانىڭ جۇمىسىمەن دە تانىستى. وندا مۇمكىندىگى شەكتەۋلى وقىرماندارعا ارنالعان ارنايى جابدىقتار، ءبىلىم بەرۋ جانە دەنساۋلىق ساقتاۋ سالالارىن سيفرلاندىرۋ جوبالارى، سونداي- اق «رۋحاني جاڭعىرۋ» جوبالىق وفيسىنىڭ كورمە زالى كورسەتىلدى.